23 vieraśnia la pasolstva Biełarusi ŭ Kijevie prajšła akcyja anarchistaŭ, jakija patrabavali vyzvaleńnia aryštavanaha ŭ Biełarusi i pryznanaha palitviaźniem Źmitra Palijenki.
«Chulihanskaja antybiełaruskaja akcyja», — tak acharaktaryzavali mierapryjemstva na sajcie pasolstva.
«Prymajučy da ŭvahi, što ŭdzielniki akcyi chavali tvary, pavodzili siabie nachabna i ahresiŭna, vykarystoŭvali fajery, pasolstva Biełarusi va Ukrainie vykazała pratest ukrainskamu boku i zapatrabavała pravieści adpaviednaje rasśledavańnie, a taksama zabiaśpiečyć biaśpieku funkcyjanavańnia biełaruskaj dypłamatyčnaj misii», — havorycca ŭ aficyjnaj zajavie biełaruskaha pasolstva.
Hrupa anarchistaŭ (kala 12 čałaviek) vyjšła da pasolstva z raściažkaj «Śmierć dyktataru», jany palili fajery, uzdymali čornyja ściahi, hukali «Za našu i vašu svabodu». U kancy akcyi chłopcy ŭ maskach paviesili na płot pasolstva pudziła Łukašenki.
