Katałonski parłamient pryniaŭ zakon ab pierachodnym pieryjadzie, jaki, na dumku prychilnikaŭ niezaležnaści, stvoryć jurydyčnuju asnovu dla vychadu aŭtanomnaj supolnaści sa składu Ispanii, piša VVS.
Jak adznačaje vydańnie El País, dakumient ustupić u siłu tolki ŭ vypadku pieramohi na refierendumie prychilnikaŭ niezaležnaści Katałonii. Pavodle ich zadumy, zakon budzie dziejničać na praciahu dvuch miesiacaŭ da zapusku pracesu stvareńnia samastojnaj parłamienckaj respubliki.
Raniej katałonski ŭrad (Ženieralitat) pryniaŭ zakon ab refierendumie i spadarožnyja dakumienty, u pryvatnaści, ab farmiravańni vybarčaj kamisii i pryncypach arhanizacyi hałasavańnia.
Pa słovach staršyni ŭrada Katałonii Karłasa Pučdamona (Carles Puigdemont), rašeńnie ab praviadzieńni refierendumu było pryniataje ŭ adnabakovym paradku paśla niaŭdałych sprobaŭ damovicca ab arhanizacyi hałasavańnia z centralnym uradam u Madrydzie.
Karłas Pučdamon (Carles Puigdemont)
U čaćvier Kanstytucyjny sud Ispanii na nadzvyčajnym pasiadžeńni prypyniŭ dziejańnie ŭsich hetych dakumientaŭ. Ułady Ispanii taksama papiaredzili katałonskija ŚMI, dziaržsłužačych i kiraŭnictva palicyi aŭtanomnaj vobłaści ab nastupstvach nievykanańnia sudovych rašeńniaŭ.
Hienieralny prakuror Ispanii Chase Manuel Masa pryhraziŭ katałonskim parłamientaryjam, jakija padtrymali zakon ab refierendumie, kryminalnym pieraśledam, a taksama źviarnuŭsia da śpiecsłužbam karaleŭstva z prośbaj uvažliva sačyć za padrychtoŭkaj da praviadzieńnia hałasavańnia.
U adkaz na rašeńnie Kanstytucyjnaha suda Karłas Pučdamon zajaviŭ, što «demakratyju ŭ Katałonii nie spynić nichto».
Refierendum ab niezaležnaści ŭłady Katałonii majuć namier pravieści 1 kastryčnika. Pytańnie, jakoje jany źbirajucca vynieści na refierendum, hučyć tak: «Ci chočacie vy, kab Katałonija stała niezaležnaj dziaržavaj z respublikanskaj formaj praŭleńnia?».
Dla taho, kab było pryznana, što hałasavańnie adbyłosia, minimalnaj jaŭki nie praduhledžana. U vypadku pieramohi prychilnikaŭ niezaležnaści ŭłady Katałonii abiacajuć praz 48 hadzin paśla abjavy vynikaŭ pačać praces stvareńnia niezaležnaj dziaržavy.
U čaćvier na ekstrannym pasiadžeńni ŭrada Ispanii premjer-ministr krainy Marjana Rachoj paabiacaŭ, što refierendumu ŭ Katałonii nie budzie.
«Nijakaha refierendumu praviedziena nie budzie. Demakratyja adkaža ź ćviordaściu, upeŭnienaściu i hodnaściu, — zajaviŭ jon. — Ni ŭrad, ni sudy nie mohuć źmirycca z hetym ni pry jakich umovach».
Čytajcie taksama:
Sioleta ŭ Jeŭropie moža źjavicca novaja dziaržava. Jakoj jana budzie?
