Nastupstvy prasadki hruntu na tramvajnych šlachach ŭ rajonie Łahojskaha trakta ŭ Minsku likvidavany ŭ maksimalna karotkija terminy. Tramvajny ruch na hetym učastku siońnia byŭ adnoŭleny, paviedamili BIEŁTA ŭ RUP «Minskenierha».
U noč na 4 vieraśnia ŭ Minsku ŭ rajonie Łahojskaha traktu, 17 z-za bahatych apadkaŭ adbyłasia prasadka hruntu adnoj linii tramvajnych šlachoŭ pry vykanańni rabot padradnaj arhanizacyjaj ZAT «SMU №7 h. Lida» pa rekanstrukcyi ciepłamahistrali №29, jakaja prachodzić pa Sievastopalskim parku ad Łahojskaha trakta da vuł. Knoryna — B. Ślapnia. U vyniku pa Łahojskim trakcie byŭ spynieny ruch tramvajaŭ.
Dla likvidacyi nastupstvaŭ prasadki hruntu filijałam «Minskija ciepłavyja sietki» RUP «Minskenierha» ŭ samyja karotkija terminy raspracavanaje prajektnaje rašeńnie pa ŭzmacnieńni ścienak katłavana i ŭzhodnienaje z UP «Minskinžprajekt».
