Krasnajarskaja palicyja miarkuje, što apazicyjanier Leanid Vołkaŭ, jaki ŭznačalvaje štab Alaksieja Navalnaha, moža być datyčny da stvareńnia niejkaha kampjutarnaha virusa i parušeńnia aŭtarskich pravoŭ.
Vołkaŭ vykłaŭ u svoj «tvitar» fatahrafiju rasparadžeńnia pra abśledavańnie pamiaškańnia, ź jakim palicyja pryjšła ŭ krasnajarski štab Navalnaha. Z dakumienta vynikaje, što ŭ dačynieńni da Vołkava pravodzicca daśledčaja pravierka pa artykułach 146 i 273 Kryminalnaha kodeksa.
Artykuł 146 ustanaŭlivaje pakarańnie za parušeńnie aŭtarskich pravoŭ, a artykuł 273 — za stvareńnie škodnasnych kampjutarnych prahram. Pry hetym u pastanovie nie ŭdakładniajecca, čyje mienavita pravy mahli być parušanyja i jakaja mienavita prahrama mahła być stvorana Vołkavym.
Sam jon zajaviŭ Bi-bi-si, što ab praviadzieńni pravierki daviedaŭsia z pastanovy, jakuju prynieśli palicyjanty, i nijakich padrabiaznaściaŭ ab pryčynach, pradmiecie i chodzie hetaj pravierki taksama nie viedaje.
Vołkaŭ ličyć, što praviadzieńnie pravierki - tolki nahoda dla taho, kab vyklučyć z krasnajarskaha štaba Navalnaha kampjutary i inšuju techniku i tym samym nanieści materyjalnuju škodu prychilnikam apazicyjaniera.
Daśledčyja pravierki pravodziacca ŭ tych vypadkach, kali u śledčych jość padstavy ličyć, što było ździejśniena złačynstva, ale niama ŭpeŭnienaści ŭ tym, što jano było ździejśniena. Pa vynikach pravierki prymajecca rašeńnie albo ab zaviadzieńni kryminalnaj spravy, albo ab admovie ŭ jaho zaviadzieńni.
