Parapłanieryst z Polščy za niezakonnaje pierasiačeńnie biełaruskaj miažy pakarany štrafam u 690 rubloŭ, paviedamiła BIEŁTA pamočnik staršyni suda Maskoŭskaha rajona Bresta Iryna Vajciuk.
Vypadak adbyŭsia ŭviečary 11 červienia. Bresckija pamiežniki zatrymali hramadzianina Polščy, jaki pa pavietry pierasiok miažu Biełarusi. Pry sabie ŭ jaho byŭ mabilny telefon, racyja, kamiera sa štatyvam, kamplektujučyja da parapłana. Sud Maskoŭskaha rajona Bresta razhledzieŭ spravu ab administracyjnym pravaparušeńni, praduhledžanym č. 1 art. 14.1 KoAP. Pastanovaj suda mužčyna pryznany vinavatym u ździajśnieńni pieramiaščeńnia tavaraŭ praz mytnuju miažu Jeŭrazijskaha ekanamičnaha sajuza pa-za vyznačanymi zakanadaŭstvam miescami. Jon padvierhnuty spahnańniu ŭ vyhladzie štrafu ŭ pamiery 30 bazavych vieličyń (690 rubloŭ) z kanfiskacyjaj pradmieta ździajśnieńnia pravaparušeńnia.
Pastanova nie ŭstupiła ŭ zakonnuju siłu i moža być abskardžanaja va ŭstanoŭlenym paradku.
