Minabarony RF abvierhła paviedamleńni «Bi-bi-si» ab tym, što ŭkrainskija vajskoŭcy ŭziali ŭ pałon u Łuhanskaj vobłaści rasijskaha vajskoŭca-kantraktnika Viktara Ahiejeva.
«Ahiejeŭ nikoli nie prachodziŭ vaskovuju słužbu pa kantrakcie va Uzbrojenych Siłach RF. Zhodna z ŭlikovymi dadzienymi Minabarony Rasii, Ahiejeŭ prachodziŭ terminovuju słužbu va Uzbrojenych siłach RF, paśla jakoj jašče ŭ mai 2016 hoda zvolniŭsia ŭ vyznačanym paradku ŭ zapas», — havorycca ŭ paviedamleńni Minabarony RF.
Infarmacyja pra pastupleńnie Ahiejeva paśla terminovaj słužby na vajskovuju słužbu pa kantrakcie, zajavili ŭ Minabarony, «źjaŭlajecca vydumkaj ukrainskich prapahandystaŭ».
U pryvatnaści, ukazvajecca ŭ paviedamleńni rasijskaha abaronnaha viedamstva, na zdymkach vajskovaha bileta Ahiejeva, apublikavanych ŚMI, jość tolki zapis ab zvalnieńni ŭ zapas z terminovaj słužby. «Taksama ŭ vajskovym bilecie byŭ by zapis ab pastupleńni Ahiejeva na vajskovuju słužbu pa kantrakcie va Uzbrojenyja siły RF, jakuju ŭkrainskija śpiecsłužby praź niaviedańnie nie paśpieła damalavać», — padkreślili ŭ Minabarony.
Fota: Julija Kiryjenka, facebook.com
«Ukrainskija prapahandysty», havorycca ŭ paviedamleńni, «u čarhovy raz vykarystali dyletantaŭ z «Bi-bi-si» dla raspaŭsiudžvańnia fejkavych «vykryćciaŭ».
