Eks-kiraŭnik pieradvybarčaha štaba prezidenta ZŠA Donalda Trampa Poł Manafort u 2012-2013 hadach atrymaŭ 17 miljonaŭ dalaraŭ ad ukrainskaj Partyi rehijonaŭ. Jaho firmie płacili za pracu ŭ intaresach partyi — u pryvatnaści, za jaje pieradvybarčuju prahramu.
Pra toje, što Manafort atrymlivaŭ hrošy za pracu dla Partyi rehijonaŭ byłoha prezidenta Ukrainy Viktara Janukoviča, vyśvietliłasia z dakumientaŭ, jakija amierykaniec padaŭ u miniust ZŠA ŭ ramkach zakona ab rehistracyi zamiežnych ahientaŭ.
Kansałtynhavaj firmie eks-kiraŭnika pieradvybarčaha štaba Trampa pryjšłosia zarehistravacca zamiežnym ahientam z-za pracy na ŭkrainskuju partyju.
Pavodle Aktu ab rehistracyi zamiežnych ahientaŭ (FARA), hramadzianie i jurydyčnyja asoby ZŠA abaviazanyja rehistravacca zamiežnymi ahientami, kali pracujuć u intaresach zamiežnych uradaŭ. Admova ad rehistracyi moža pieraśledvacca ŭ kryminalnym paradku.
Z zapoŭnienaj formy, jakuju padaŭ u miniust Manaforta, vynikaje, što ŭ 2012-2013 hadach jaho firma, naprykład, pisała pieradvybarčuju prahramu dla Partyi rehijonaŭ, realizoŭvała stratehiju vybarčaj kampanii, raspracoŭvała partyjnuju płatformu i pravodziła mižnarodnaje nazirańnie za vybarami. Adznačajecca, što ździełki firma zaklučała z v.a. staršyni Partyi rehijonaŭ Uładzimiram Rybakom - z 2012 pa 2014 hoda staršynioj Viarchoŭnaj Rady Ukrainy.
U ankiecie, padadzienaj u miniust, metaj pracy firmy Manaforta na Partyju rehijonaŭ u 2013-2014 hadach nazyvajecca «decentralizacyja ŭłady ź pieradačaj maksimalnych paŭnamoctvaŭ rehijonam, budaŭnictva palityčnaj partyi zachodniaha ŭzoru i pieratvareńnie Ukrainy ŭ najbolš pryvabnaje dla inviestycyj dziaržava ŭ rehijonie».
Kampanija atrymała ad ukrainskaj partyi 17 młn dalaraŭ. Na kansultantaŭ, pracu apytalnych ahienctvaŭ i inšyja pasłuhi firma Manafort vydatkavała bolš za 4 młn dalaraŭ, u tym liku na raźjezdy i padarožža - za 2,1 młn dalaraŭ.
