Viadomy rasijski advakat Hienry Reźnik abviaściŭ ab svaim sychodzie z Maskoŭskaha dziaržaŭnaha jurydyčnaha ŭniviersiteta (MDIUA), dzie adnavili miemaryjalnuju došku Iosifu Stalinu, paviedamlaje Meduza.
Na šyldzie napisana, što Stalin u 1924 hodzie vystupaŭ u adnoj z załaŭ akademii z dakładam. Upieršyniu miemaryjalnaja doška była ŭstanoŭlenaja ŭ 1949 hodzie, ale paśla vykryćcia kultu asoby Stalina jaje demantavali.
«Stalin — heta masavyja pazasudovyja orhany i represii: asablivyja narady, trojki i dvojki, uzakonienyja katavańni, likvidacyja niezaležnaha suda, prezumpcyi nievinavataści i pryncypu spabornaści, departacyi cełych narodaŭ, — napisaŭ Reźnik u svaim błohu na sajcie «Echo Moskvy». — Tradycyi stalinskaj «sacyjalistyčnaj zakonnaści» da hetaha času nie možam pieraadoleć. Stalin — heta antyprava. I ŭ honar mahilščyka PRAVA — hałoŭnaj kaštoŭnaści sučasnaj cyvilizacyi — pamiatnaja doška ŭstanoŭlenaja ŭ chramie jurydyčnaj navuki. Nie, zbaŭcie. Heta kraj. Ź liku prafiesaraŭ MDIUA vybyvaju».
