Zahinuły siońnia ŭ Kijevie ŭ vyniku teraktu supracoŭnik HU vyviedki ministerstva abarony Ukrainy pałkoŭnik Maksim Šapavał źjaŭlaŭsia kamandziram padraździaleńnia hłybinnaj raźviedki i zabiaśpiečvaŭ dokazy datyčnaści Rasii da ŭzbrojenaj ahresii suprać Ukrainy.
Pra heta LB.ua raspaviała krynica ŭ pravaachoŭnych orhanach.
«Heta dziakujučy jamu Ukraina abhruntavała svaju pazicyju ŭ Haazie ab datyčnaści Rasii da ŭzbrojenaj ahresii, a pierad hetym padała ŭsie takija zadakumientavanyja fakty pa dypłamatyčnych kanałach i pa kanałach abmienu vyviedvalnaj infarmacyjaj z vyviedvalnymi orhanami sajuźnikaŭ», — skazaŭ surazmoŭca vydańnia.
Pa słovach krynicy, Maksim Šapavał niepasredna braŭ udzieł nie tolki ŭ płanavańni, ale i ŭ praviadzieńni vyviedvalnych rejdaŭ u hłyboki tył akupavanych terytoryj. Asobnyja vyviedvalnyja apieracyi tyčylisia svoječasovaha abviaščeńnia ab razhortvańni rasijskaj artyleryi, u tym liku dalnabojnaj, što značna źnižała straty siarod ukrainskich vajskoŭcaŭ i mirnaha nasielnictva.
«Maksima źniščyli vorahi demanstratyŭna, u tym liku jak elemient zapałochvańnia i jak elemient infarmacyjnaj apieracyi pa dyskredytacyi samych addanych synoŭ Ukrainy», — ličyć krynica.
