Piać čałaviek, u tym liku troje padletkaŭ, zahinuli ŭ akvaparku ŭ horadzie Akjazy na paŭnočnym zachadzie Turcyi, paviedamlajuć miascovyja ŚMI. Basiejn u akvaparku pa nieviadomaj pakul pryčynie akazaŭsia pad napružańniem, piša VVS.
DHA
Paviedamlajecca, što pieršymi tryma achviarami byli dzieci, jakija płavali ŭ basiejnie ź mietaličnaj aharodžaj. Siarod ich byŭ syn uładalnika akvaparku.
Jašče dva čałavieki, jakija dali nyrca ŭ vadu, kab dapamahčy paciarpiełym, taksama zahinuli.
Usie piaciora byli dastaŭlenyja ŭ balnicu, ale vyratavać ich nie ŭdałosia. Šosty čałaviek atrymaŭ traŭmu i taksama byŭ dastaŭleny ŭ balnicu.
Raniej paviedamlałasia, što kiraŭnik parka i jaho syn taksama nyrnuli ŭ vadu, kab dapamahčy paciarpiełym.
Pavodle infarmacyi haziety Milliyet, jašče dva čałavieki atrymali razrad toku, kali dakranulisia da mietaličnaj aharodžy basiejna.
Trom zahinułym było 12, 15 i 17 hadoŭ.
Pa jakich pryčynach basiejn u akvaparku akazaŭsia pad napružańniem, pakul nieviadoma.
Piersanał akvaparka skinuŭ vadu i adklučyŭ elektryčnaść.
Palicyja vyvučaje miesca padziei, kab vyjavić pryčynu hibieli ludziej.
