Siońnia ŭ Zahrabie prajšło losavańnie finalnaj stadyi mužčynskaha čempijanatu Jeŭropy — 2018 pa handbole, jaki projdzie ŭ Charvatyi.
Zbornaja Biełarusi na pieršym etapie vystupić u hrupie V razam z kamandami Aŭstryi, Narviehii i Francyi. Jany zhulajuć u horadzie Poreč.
Składy inšych papiarednich kvartetaŭ:
A (Split): Charvatyja, Isłandyja, Sierbija, Šviecyja.
S (Zahrab): Čarnahoryja, Słavienija, Hiermanija, Makiedonija.
D (Varaždzin): Čechija, Vienhryja, Ispanija, Danija.
Paśla zakančeńnia pieršaha etapu baraćbu za ŭznaharody praciahnuć pa 3 lepšyja kamandy z kožnaj hrupy. Turnir projdzie z 12 pa 28 studzienia 2018 hoda.
Biełaruskija handbalisty ŭ 5-y raz vystupiać siarod 16 lepšych kamand Staroha Śvietu. Na minułym kantynientalnym pieršynstvie ŭ Polščy kamanda Juryja Šaŭcova zaniała 10-je miesca.