Napiaredadni aficyjnaha adznačeńnia 950-hodździa Minska administracyja Centralnaha rajona Minska razam z Kiraŭnictvam spraŭ prezidenta adkryli niezvyčajnyja art-abjekty ŭ rajonie płoščy Svabody.
Apory lichtarniaŭ stylizavali na ŭzor słuckich pajasoŭ — jany zroblenyja z płastyku, na jakim namalavany histaryčny malunak z realnaha pojasu.
Adkryvali tyja słupy kiraŭnik Centralnaha rajona stalicy Ihar Buzoŭski, deputat Ihar Marzaluk, namieśnik kiraŭnika Administracyi prezidenta Maksim Ryžankoŭ, namieśnik Šoraca dy inš.
U vitalnym słovie Buzoŭski skazaŭ, što aproč taho, što heta prosta pryhoža (a pa canie — jak zvyčajnaja afarboŭka), taki krok spryjaje histaryzmu, padkreślivaje biełaruskuju kulturu.
Usiaho takich słupoŭ šeść. U pierśpiektyvie płanujecca i dalej azdablać apory na asnoŭnych praśpiektach horada.
Dadzienyja lichtarni paŭtarajuć uzor na histaryčnych lichtarniach, što azdablajuć praśpiekt Niezaležnaści.
