U Maskoŭskim rajonie z 19 červienia pačniecca hramadskaje abmierkavańnie horadabudaŭničaha prajekta detalovaha płanavańnia terytoryi ŭ miežach vuł. R. Luksiemburh — pr. Žukava — vuł. Charkaŭskaja — pałasy advodu žaleznaj darohi. Płošča ŭčastka, jaki ŭvajšoŭ u prajekt, składaje 205 hiektaraŭ, piša Tut.by.
Damy, jakija pojduć pad znos ci buduć rekanstrujavacca, paznačanyja na karcie aranžavym koleram. Daviedacca, jakija mienavita damy buduć źniesienyja, žychary mohuć na hramadskim abmierkavańni. Taksama ilustracyjny materyjał abjekta budaŭnictva budzie raźmieščany na sajcie administracyi Maskoŭskaha rajona h. Minska u raździele «Hramadskija abmierkavańni» z 19.06.2017 pa 13.07.2017. Pakul administracyja pradstaviła tolki maleńkuju karcinku, pa jakoj ciažka zrazumieć niuansy zadumak horadabudaŭnikoŭ.
Pra toje, što małapaviarchovaja zabudova vulic Rozy Luksiemburh i Karła Libkniechta ŭ budučyni pojdzie pad znos, miascovyja žychary viedali daŭno. Hety ŭčastak blizka raźmieščany da praśpiekta Dziaržynskaha, jaki ciapier aktyŭna zabudoŭvajecca šmatkvaternymi damami. Atrymlivajecca, što žyllo tut budujuć udarnymi tempami, ziamla zapatrabavanaja, što źjavicca inviestar — šaniec jość.
Dvuchpaviarchovaja zabudova na vulicy Lermantava. Krynica: yandex.by
Pakul horadabudaŭniki majuć namier uščylniać rajon za košt znosu małapaviarchovaj šmatkvaternaj zabudovy ŭ miežach vulic Rozy Luksiemburh — K. Libkniechta. Praściej kažučy, pad znos mohuć pajści dvuchpaviarchoviki. Na miescy źniesienych damoŭ płanujecca budaŭnictva žyłych kvartałaŭ ź infrastrukturaj i parkovačnymi miescami.
Zachoŭvajemaja 5-paviarchovaja zabudova namiačajecca da kapitalnaha ramontu i madernizacyi biez pavieličeńnia žyłoha fondu z dobraŭparadkavańniem žyłoha asiarodździa.
Usiaho žyllovy fond u miežach prajektavanaha rajona składzie da 2030 hoda 643,4 tysiačy kvadratnych mietraŭ.
Sacyjalnaja infrastruktura rajona papoŭnicca dvuma dziciačymi sadami na 180 i 110 miescaŭ, dvuma pačatkovymi škołami na 450 miescaŭ i paliklinikaj. Užo isnujučyja škoły i daškolnyja ŭstanovy płanujuć rekanstrujavać z pavieličeńniem paramietraŭ.
Aznajomicca z abjektam budaŭnictva «Horadabudaŭničy prajekt detalovaha płanavańnia terytoryi ŭ miežach: vuł. R. Luksiemburh — pr. Žukava — vuł. Charkaŭskaja — pałasy advodu žaleznaj darohi (ŭniasieńnie źmianieńniaŭ)» i vykazać svajo mierkavańnie ŭ časopisie rehistracyi piśmovych zaŭvah i prapanoŭ možna ŭ administracyi Maskoŭskaha rajona h. Minska, pa adrasie: praśpiekt Dziaržynskaha, 10, z 19.06.2017 pa 13.07.2017 z 9-00 da 18-00.
21.06.2017 ŭ 18.30 u aktavaj zale budynka administracyi Maskoŭskaha rajona h. Minska adbudziecca prezientacyja prajekta, dzie možna zadać usie pytańni, jakija cikaviać pytańni.
Zaŭvahi i prapanovy možna nakiroŭvać u administracyju Maskoŭskaha rajona h. Minska, kiravańnie architektury i budaŭnictva pa adrasie: praśpiekt Dziaržynskaha, 10 ci na elektronny adras mos. [email protected] da 14.07.2017.
