U supołcy śmierci «Ukantakcie» tolki z Bresckaj vobłaści byli zarehistravany 35 padletkaŭ, paviedamlaje intex-press.by.
— U supołku ŭvachodzili padletki 11—15 hadoŭ, — raspavioŭ Intex-press Hienadź Vajtovič, načalnik upraŭleńnia achovy pravaparadku i prafiłaktyki UUS Bresckaha abłvykankama. — Usiaho tam było ŭžo niekalki dziesiatkaŭ čałaviek z usioj Biełarusi. Siarod ich — 35 padletkaŭ z Bresckaj vobłaści. Zaraz milicyjaj vyśviatlajem, ci byli vypadki suicydu siarod padpisčykaŭ supołki.
U dačynieńni da adnaho z administrataraŭ supołki, jaki pražyvaje na terytoryi Baranavickaha rajona, supracoŭnikami milicyi pravodzicca pravierka i vyrašajecca pytańnie ab pryciahnieńni da kryminalnaj adkaznaści.
Pa słovach milicyjanta, supołka była vydalenaja adrazu paśla jaje vyjaŭleńnia.