Kala Bukinhiemskaha pałaca, jaki źjaŭlajecca rezidencyjaj brytanskaj karalevy Lizaviety II u Łondanie, admianili tradycyjny razvod hanarovaj varty praz pavyšany ŭzrovień terarystyčnaj niebiaśpieki.
Pra heta piša vydańnie Daily Mail, spasyłajučysia na pres-słužbu Minabarony Vialikabrytanii.
Heta zroblena dla taho, kab vyzvalić palicejskich, jakija achoŭvajuć źmienu varty, i nakiravać siły apieratyŭnikaŭ na achovu inšych budynkaŭ.
Uzbrojenaja žančyna-palicejski pierad Bukinhiemskim pałacam paśla admieny cyrymonii źmieny varty hvardziejcaŭ. Fota PA.
Ranicaj palicyja Łondana zatrymała uzbrojenaha nažom mužčynu niedaloka ad Bukinhiemskaha pałaca. Paciarpiełych niama. Pavodle papiaredniaj infarmacyi, jon nie źviazany z teraryzmam.
Napiaredadni brytanski premjer-ministr Tereza Mej zajaviła ab pavyšeńni ŭzroŭniu pahrozy teraryzmu ŭ krainie z vysokaha da krytyčnaha. Jana zajaviła pra niepaźbiežnaść novaj ataki.
