U sacsietkach źjavilisia paviedamleńni ad imia «Biełaha lehijona» — vajskova-patryjatyčnaj arhanizacyi, viadomaj u 1990-ja, z zaklikam uziać udzieł u Dni Voli 25 Sakavika.
U druhoj častcy pasłańnia havaryłasia pra toje, što «na dapamohu da nas pryjechali našy bajavyja siabry z Rasii i Ukrainy i my hatovyja z zbrojaj u rukach pakazać uładam, chto sapraŭdny haspadar u krainie».
«Zaklik» napisany pa-biełarusku z pamyłkami, jakija śviedčać, što jaho aŭtary ŭ žyćci karystajucca ruskaj movaj.
Nina Šydłoŭskaja na svajoj staroncy ŭ Facebook papiaredziła, što heta paviedamleńnie, jakoje rassyłajecca ad imia Mirasłava Łazoŭskaha — fejk i pravakacyja.
U sacsietkach pišuć, što anałahičnyja paviedamleńni rassyłajucca ź niekalkich akaŭntaŭ.
Dzień Voli tradycyjna šyroka adznačajecca 25 Sakavika. U minułym hodzie ŭ Minsku ŭ hety dzień spakojna, biez zdareńniaŭ i zatrymańniaŭ, prajšła dazvolenaja haradskimi ŭładami akcyja.
Ź siaredziny lutaha ŭ Biełarusi iduć akcyi suprać padatku na darmajedstva. Paśla 9 sakavika, kali prezident na hod prypyniŭ zbor hetaha padatku, na «Maršach niedarmajedaŭ» pačalisia masavyja zatrymańni. Usiaho za apošnija dni asudzili kala sotni čałaviek.
