Sud ŭ Aŭstryi pryznaŭ vaśmiarych imihrantaŭ ź Iraka vinavatymi ŭ hrupavym zhvałtavańni turystki z Hiermanii padčas śviatkavańnia Novaha hoda ŭ Vienie, paviedamlaje VVS.
Adzin z abvinavačanych u chodzie sudovaha pasiadžeńnia. Fota API
Mužčyny atrymali terminy ad dzieviaci da 13 hadoŭ za napad, jaki adbyŭsia ŭ noč na 1 studzienia 2016 hoda. Pierad sudom paŭstaŭ i dzieviaty padazravany, ale sud pryznaŭ jaho nievinavatym.
Asudžanym mužčynam ad 22 da 48 hadoŭ. Usie jany prybyli ŭ Aŭstryju jak mihranty z maja pa śniežań 2015 hoda. Piać ź ich atrymali status biežanca.
Ich achviaraj stała 28-hadovaja žančyna. Jana atrymała kampiensacyju ŭ 25 tysiač jeŭra. Pa słovach prakuroraŭ, žančyna da hetaha času pakutuje ad posttraŭmatyčnaha šoku.
Žančyna spraŭlała Novy hod u centry Vieny ź siabrami. Kala 2 hadzin nočy čaćviora napadnikaŭ pavieźli jaje ŭ kvateru ŭ Vienie. Tam ich čakali jašče čatyry čałavieki. Usie razam jany pa čarzie jaje zhvałtavali.
Žančyna była vielmi pjanaja i nie mahła siabie abaranić, tłumačać prakurory. Kali jana zmahła znoŭ kantralavać siabie, to vyjaviła, što lažyć hołaj u łožku.
Abarona sprabavała dakazać, što žančyna pasyłała abvinavačanym «falšyvyja sihnały». Na dumku prakuratury, heta niemahčyma, bo jana była ŭ biesprytomnym stanie. Abodva baki buduć padavać apielacyju na hetaje rašeńnie suda.