Sud Anhlii prysudziŭ 101-hadovaha Ralfa Kłarka ź Birminhiema da 13 hadoŭ turemnaha źniavoleńnia pa abvinavačvańni ŭ seksualnych damahańniach da niepaŭnaletnich, piša VVS.
RA
Sud pryznaŭ Kłarka vinavatym u 30 vypadkach raspusnych dziejańniaŭ u dačynieńni da niepaŭnaletnich, jakija byli ździejśnienyja z 1974 pa 1983 hod.
Pavodle dadzienych śledstva, siarod achviar Kłarka — dźvie dziaŭčynki i adzin chłopčyk.
Sam asudžany raniej pryznaŭ siabie vinavatym u dzieviaci vypadkach damahańniaŭ da niepaŭnaletnich. Abvinavačvańni ŭ inšych złačynstvach jon adprečvaŭ.
Ralf Kłark, jaki naradziŭsia ŭ 1915 hodzie, staŭ samym pažyłym asudžanym u historyi brytanskaha pravasudździa.
Mužčyna pracavaŭ kiroŭcam hruzavika. Na sudzie jon raspavioŭ, što ŭ jaho byŭ haraž, dzie jon ramantavaŭ dzieciam rovary.
Pra złačynstvy Kłarka stała viadoma tolki ŭ 2015 hodzie, kali ŭ palicyju źviarnulisia dźvie jaho achviary.
