U «Našu Nivu» źviarnuŭsia čytač. Paviedamiŭ, što ŭ domie pa adrasie Ilimskaja, 12 i susiednich damach adnačasova zvolnilisia ŭsie dvorniki, u vyniku čaho stvaryłasia nievynosnaja situacyja.
Cmietnica kala doma 59 pa vulicy Nieścierava
My pajechali na miesca. U paniadziełak uvachod u padjezd doma 12 na vulicy Ilimskaj pieraharodžvaŭ pierapoŭnieny bak, pobač ź im lažali miaški sa śmiećciem.
Ilimskaja, dom 12
Žančyna ŭ chałacie źbiraje vakoł padjezda drobnaje śmiećcie rukami: «U nas byli vielmi pracavityja dvorniki, my ich vielmi lubili, ale ŭ adzin momant jany ŭsie źnikli».
U domie 17 na vulicy Ilimskaj žychary zaprašajuć acanić stan ich padjezda: smurod, kožny kut upryhožany žoŭtaj łužynaj. Kampazicyju dapaŭniajuć byčki, butelki, rekłamnyja buklety. Śmiećciepravody daŭno zabityja śmiećciem davierchu.
Padjezd doma pa vulicy Ilimskaja 17
Padjezd doma pa vulicy Ilimskaja, 17.
Padjezd doma pa vulicy Ilimskaja, 17. Žychary adnaho z padjezdaŭ pastavili skrynku dla rekłamnych ulotak.
Padjezd doma pa vulicy Ilimskaja 17.
Padjezd doma pa vulicy Ilimskaja 17. Ramont u niekatorych padjezdach zrobleny tolki da druhoha paviercha, astatnija vyhladajuć prykładna tak.
Padjezd doma pa vulicy Ilimskaja 17.
Padjezd doma pa vulicy Ilimskaja 17.
Padjezd doma pa vulicy Ilimskaja 17.
Ale tambury, jakija žychary pavinny prybirać sami, akazalisia vielmi dahledžanymi.
Padjezd doma pa vulicy Ilimskaja 17.
Kala dvuch hadoŭ u doma pa adrasie Ilimskaja, 17 niama dvornika. Damafon nichto nie ramantuje, tamu ich padjezd — i hramadskaja prybiralnia, i prytułak dla biazdomnych žyvioł. Padjezd prybirajuć redka, praz try dni paśla čarhovaj skarhi ŭ adziny kantakt-centr ŽKH 115.
Na miascovy ŽES žychary ŭžo nie spadziajucca, zamiest hetaha pišuć skarhi ŭ vyšejšyja instancyi.
Žycharki doma na Ilimskaj, 17.
Uvachod u padjezd doma Ilimskaja 17
A voś žychary doma 59 pa vulicy Nieścierava bačać svaju prybiralščycu štodnia, ŽES zbudavaŭ i pandus dla invalida-kalasačnika ŭ ich padjeździe.
Pandus, Nieścierava 59
Pa darozie ŭ ŽES sustrakajem dvorničychu, jakaja skardzicca, što zarobki mocna ŭpali, instrumienta, śpiecadzieńnia i myjnych srodkaŭ im praktyčna nie vydajuć. Zarobak 200—210 rubloŭ, kali nie budzieš brać dadatkovuju padpracoŭku. Pobač prachodzić mužčyna: «Padvał zatapiła, chadžu ŭ ŽES, a tam nikomu niama spravy da nas».
U ŽESie №95 hałoŭny inžynier admoviłasia kamientavać biez dyrektara, dyrektar, u svaju čarhu, na naradzie ŭ ŽREA.
U pryjomnaj «Našaj Nivie» raskazali, što niadaŭna abjadnali ŽESy №91, 95 i 74 i, kali raniej dvorniki prybirali kožny dzień, to ciapier cieraź dzień. Zarobak pamienšaŭ, voś bryhada, jakaja pracavała ŭ domie 12 pa vulicy Ilimskaj, i zvolniłasia. Ciapier dvorniki z druhich učastkaŭ prybirajuć u siabie, potym iduć i prybirajuć na susiedniaj terytoryi, što vyklikaje zaciažki i zboi.
Zadni dvor budynka ŽESa.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»
