Z novaha hoda ekspres-testy na VIČ pa slinie buduć pradavacca ŭ biełaruskich aptekach. Prostaja pracedura nie patrabuje zaboru kryvi i ŭsiaho za 20 chvilin paviedamlaje dakładny vynik ab najaŭnasci abo adsutnasci VIČ-infiekcyi. Prastata i zručnaść sistemy dazvalajuć vykarystoŭvać jaje praktyčna ŭ lubych umovach, a nie tolki ŭ miedustanovach. Dakładnaść vyniku — 99 pracentaŭ.
Sučasny vid testavańnia dastupny ŭžo siońnia dla maładych ludziej u centrach, pryjaznych padletkam, dzie kožny achvotny moža biaspłatna i ananimna zrabić test — jak zvyčajny, tak i ekspres, i atrymać kansultacyju. Ciapier u Biełarusi dziejničaje 50 takich centraŭ, adkrytych sumiesna z Dziciačym fondam AAN i Ministerstvam achovy zdaroŭja. U centrach pracujuć uračy — piedyjatr, hiniekołah, psichołah, narkołah, dermatavienierołah, valeołah. Na pieršaj kansultacyi ŭrač razam z padletkam vyznačaje prablemu, daje rekamiendacyi i pry nieabchodnasci zapisvaje da śpiecyjalista.
Mahčymaść samatestavańnia źjaviłasia ŭ miežach śpiecyjalnaj kampanii Abjadnanaj prahramy AAN pa VIČ/SNID i Dziciačaha fondu AAN «Datyčycca navat tych, kaho nie datyčycca», jakaja achapiła sioleta ŭsie abłasnyja harady.
U krainie zarehistravana zvyš za 21 tysiaču vypadkaŭ VIČ-infiekcyi. Bolšaść vyjaŭlenych vypadkaŭ prypadaje na ŭzrost 15-49 hadoŭ. Pavodle apošnich źviestak, VIČ-stanoŭčy čałaviek, jaki atrymlivaje svoječasovaje lačeńnie, moža pražyć hetak ža doŭha, jak zdarovy. Pry efiektyŭnym lačenni imaviernaść pieradačy virusa inšamu čałavieku značna znižajecca. Žančyna z VIČ moža naradzić zdarovaje dzicia, kali svoječasova daviedajecca pra svoj dyjahnaz i pačnie lačeńnie.
