«Sučasnaha čytača treba mocna zacikavić knihaj, kab jon uziaŭsia jaje čytać. Tamu svoj sajt dla nas — heta srodak kamunikacyi z čytačami, mahčymaść paŭniej pradstavić našyja knihi i aŭtaraŭ, raspavieści pra kulturnickuju dziejnaść»Halijafaŭ», — kaža dyrektar vydaviectva Źmicier Višnioŭ. —
U internet-kniharni Halijafy.by vy znojdziecie jak navinki vydaviectva, tak i rarytety — toje, što było vydadziena za dzieviać hadoŭ isnavańnia «Halijafaŭ».
Nieŭzabavie, abiacaje kamanda «Halijafaŭ», u internet-kniharni źjavicca šerah ekskluzivaŭ. Heta biełaruska-anhlijski ilustravany słoŭnik dla dzietak «Naš dom», novy mistyčny detektyŭ Valeryja Hapiejeva «Noč cmoka», druhaja kniha sioletniaha šort-listara premii «Debiut» Kiryła Stasielki, zbornik prozy Paliny Kačatkovaj «Hniazdo».
Taksama źjavicca rasiejski pierakład ramana Alhierda Bachareviča «Biełaja mucha, zabojca mužčyn», biełaruskamoŭny nakład jakoha ŭ «Halijafach» užo razyšoŭsia.
Rychtujecca da druku «Skroź lusterka, i što ŭbačyła tam Alisa» Ljuisa Kerała ŭ pierakładzie Viery Burłak
i z malunkami Kaciaryny Dubovik, jakaja sioleta atrymała premiju imia Ciotki za najlepšaje mastackaje afarmleńnie dziciačaj knihi.
Kab zacikavić čytačoŭ, vydaviectva pačnie vykładać na halijafy.by uryŭki z novych knih. Na nastupnym tydni stanie dastupnym frahmient knihi «Listy kruciala» Kłajva Stejpłza Ljuisa, aŭtara «Chronik Narnii».
Na hałoŭnaj staroncy internet-kniharni možna padpisacca na rassyłku i atrymlivać pa elektronnaj pošcie biaspłatnyja frahmienty «halijafaŭskich» knih.
Na halijafy.by pradajucca i knihi dvanaccaci inšych biełaruskich vydaviectvaŭ. Kožny dzień sajt papaŭniajecca novymi vydańniami.
Pa aŭtorkach na sajcie «Dziciačy dzień» — źnižki na knihi dla dzietak. Košty na dziciačyja knihi na halijafy.by pačynajucca ad 3.30 rubloŭ.
Plus dla čytačoŭ - chutkaja pakupka knih biez rehistracyi. Dastatkova paznačyć kantakty i vybrać adzin z troch sposabaŭ dastaŭki: biaspłatnuju dastaŭku pa linii mietro ŭ Minsku; pierasyłku poštaj pa Biełarusi; albo samavyvaz z kniharni «Halijafy».
Kniharnia mieścicca ŭ centry Minska pa adrasie Niamiha, 3, nulavy pavierch, paviljon 66 i pracuje štodnia.
Zamovu možna zrabić praz sajt abo pa telefonie (29) 170-07-81.
Internet-kniharnia, kažuć jaje stvaralniki, budzie raźvivać raździeły z knihami pa mastactvu i humanitarnych navukach, pašyrać vybar padarunkaŭ, adkryje raździeł sa słoŭnikami i movaznaŭčaj litaraturaj. U chutkim časie płanujecca padklučyć apłatu bankaŭskimi kartkami i praź sistemu «ARYP».
