Były «ministr abarony DNR» praciahvaje beścić sieparatystaŭ.
«Pry raptoŭnym nastupie ŭkrainskaj armii apałčeńnie budzie raźbita vielmi chutka, kali jano nie atrymaje rasijskaj padtrymki, — zajaviŭ Hirkin. — Masa miascovych dabraachvotnikaŭ — bamžy i napaŭbamžy. Pjanstva pavalnaje, narkamanija dzikaja ŭ padraździaleńniach. Paśla majho sychodu zakony vajennaha času admianili. Kali navokał uzbrojenyja ludzi, dabicca dyscypliny i paradku možna tolki samymi žorstkimi mietadami. A narkamana nie napužać 15 sutkami aryštu. Ci ałkaholika. Plus vialikaja kolkaść «miortvych duš». Ujavicie, što pałova ŭzvoda składajecca ź miortvych duš. Heta i paluboŭnicy, i žonki, i dzieci, jakich kamandziry afarmlajuć. Nijakaj słužby jany nie niasuć, a hrošy atrymlivajuć. Poŭny razvał i raskładańnie».
Heta ŭžo nie pieršaje rezkaje vykazvańnie Hirkina za apošni čas. Hirkin usio čaściej vystupaje z krytykaj rasiejskaj ułady za toje, što jany «źlili Navarosiju». Hirkin nie chavaje, što Rasija vajuje va Ukrainie, i prahnazuje, što ŭ Siryi Rasiju taksama čakaje paraza.
