Jeŭrapiejskaja kamisija nakiravała listy ŭsim ministram zamiežnych spraŭ krain Jeŭrapiejskaj palityki susiedstva (JEPS) z nahody dalejšaha supracoŭnictva pa pierahladzie hetaj palityki Jeŭrasajuzam.
Pra heta ŭ sieradu ŭ Brusieli na pres-kanfierencyi paviedamiŭ jeŭrapiejski kamisar pa pytańniach jeŭrapiejskaj palityki susiedstva i pieramoŭ pa pašyreńni Jachanes Chan.
«Tolki što my prainfarmavali listom usich ministraŭ zamiežnych spraŭ z susiednich krain (adnosna napracavanych prapanoŭ pierahladu JEPS) i zaprasili kantaktavać z nami, kab pracavać na asnovie dakumientaŭ, vyznačajučy ahulnyja asnovy dla pahłyblenaha supracoŭnictva», — skazaŭ jon.
Jak adznačyła Viarchoŭny pradstaŭnik ES pa pytańniach źniešniaj palityki i palityki biaśpieki Fiederyka Mahieryni, pryniatyja Jeŭrapiejskaj kamisijaj prapanovy pa pierahladzie JEPS «adkryvajuć darohu da absalutna novaj fazy našaj palityki». Pavodle jaje słoŭ, novaje razumieńnie JEPS «pavinna być adlustravanaje ŭ źmienie palityki i instrumientaŭ».
«Ad mihracyi da biaśpieki, teraryzmu, ad enierhietyki, ekanomiki, stvareńnia novych pracoŭnych miescaŭ, abmienu ludźmi — u nas šmat sumiesnaj pracy, jakuju nieabchodna zrabić z našymi partniorami», — padkreśliła jana.