Ministr abarony Rasii Siarhiej Šajhu abviaściŭ ab udarach pa pazicyjach bajevikoŭ «Isłamskaj dziaržavy» na terytoryi Siryi kryłatymi rakietami pavietranaha baziravańnia.
Pra heta jon raspavioŭ u chodzie dakładu rasijskamu prezidentu Uładzimiru Pucinu.
Šajhu paćvierdziŭ naniasieńnie masiravanaha ŭdaru pa bajevikach ID: pa jaho słovach, było vypuščana 34 kryłatyja rakiety.
Raniej rasijskija i zamiežnyja ŚMI paviedamili, što Rasija vypuściła kryłatyja rakiety pa horadzie Raka — hałoŭnaj apory «Isłamskaj dziaržavy» na terytoryi Siryi.
Paviedamlałasia ab tym, što rakiety «Kalibr» byli zapuščanyja z rasijskaj dyziel-elektryčnaj padvodnaj łodki «Rastoŭ-na-Donie», jakaja ździajśniała pierachod z bazy Paŭnočnaha fłota ŭ Navarasijsk. Zapusk nibyta adbyŭsia ŭ toj momant, kali padłodka znachodziłasia va ŭschodniaj častcy Mižziemnaha mora.
Adnak Šajhu nie paćvierdziŭ hetyja paviedamleńni, a zajaviŭ ab tym, što Rasija zadziejničała ŭ Siryi stratehičnyja bambaviki Tu-22M3, Tu-160 i Tu-95MS, ź jakich i byli vypuščanyja kryłatyja rakiety.
