U Połackim rajonie vandały apahanili bolš za 60 mahił na mohiłkach «Ekimań», paviedamiŭ načalnik adździaleńnia infarmacyi i hramadskich suviaziej UUS Viciebskaha abłvykankama Andrej Siemianichin.
Ranicaj 7 listapada ŭ Połacki rajonny adździeł milicyi pastupiła paviedamleńnie, što nočču na mohiłkach «Ekimań» razburanyja 63 nadmahilli, 5 mahił spalenyja.
Na miesca zdareńnia nieadkładna vybyła śledča-apieratyŭnaja hrupa, była zadziejničana pierasoŭnaja kryminalistyčnaja łabaratoryja Śledčaha kamiteta. Milicyjanty pad kiraŭnictvam načalnika RAUS pa pakinutych złačyncami śladach, a taksama pry dapamozie inšych rečavych dokazaŭ vyjavili mahčymaje miesca, dzie raniej mahli znachodzicca padazravanyja ŭ ździajśnieńni złačynstva. Z dapamohaj kamier videanazirańnia byŭ znojdzieny 16-hadovy padletak, jaki znachodzicca na ŭliku ŭ inśpiekcyi pa spravach niepaŭnaletnich. U chodzie dalejšych vyšukovych mierapryjemstvaŭ apieratyŭniki vyjšli na dvuch jahonych saŭdzielnikaŭ. Imi akazalisia žychary Połacka 1990 i 1999 hadoŭ naradžeńnia.
Jak dadała aficyjny pradstaŭnik upraŭleńnia Śledčaha kamiteta pa Viciebskaj vobłaści Ina Harbačova, pa hetym fakcie Połackim mižrajonnym adździełam Śledčaha kamiteta raspačataja i rasśledujecca kryminalnaja sprava pa č.1 st.347 (ździek nad mahiłaj) Kryminalnaha kodeksa Biełarusi. Śledčyja praciahvajuć pracu: vyśviatlajuć ahulnuju sumu naniesienaj škody, dapytvajuć padazravanych asob, vyšukvajuć śviedak, pryznačajuć nieabchodnyja ekśpiertnyja daśledavańni.
