Dla tych, chto čakaje prychodu sapraŭdnaj zimy sa śnieham i hurbami na Kalady, u klimatołahaŭ drennyja naviny. U adpaviednaści z amierykanskimi prahnozami, hetaja zima budzie na niekalki hradusaŭ ciaplejšaj za zvyčajnuju dla našaha klimatu.
Prahnazujecca, što śniežań i studzień buduć vielmi ciopłymi, piša litoŭski partał Delfi. Zvyčajna, prahnozy, jakija dajucca dla Litvy, možna atajasamlivać i dla siaredniaj pałasy Biełarusi.
Tak, klimatołah Juścinas Kiłpis zaznačaje, što ŭ našym rehijonie śniežań budzie vielmi ciopłym, taksama i studzień budzie na 2 hradusy ciaplejšy. A luty budzie narmalnym, charakternym.
Pa słovach surazmoŭcy, jość vierahodnaść, što katalickija Kalady projduć bieź śniehu.
A voś etnołah prafiesar Libiertas Klimka dadaje, što, kali my chočam viedać, jakoj budzie zima, to treba dačakacca 11 listapada.
«Pa tradycyi, jakoj budzie zima, možna daviedacca pa nadvorji 11 listapada. Kali ŭ hety dzień husi buduć na vadzie, to na Kalady budzie lod, kali husi buduć na lodzie, to na Kalady budzie doždž. Ja ŭžo niekalki hadoŭ praviaraju heta, i mahu skazać, što narodnaja mudraść nie pamylajecca, śćvierdžańnie zbyvajecca», — dadaŭ Klimka.
