Z 1 listapada 2015 hoda ŭviedzienyjaca novyja ŭčastki płatnych aŭtamabilnych daroh u sistemie BelToll.
Heta praduhledžana pastanovaj Savieta Ministraŭ Biełarusi ad 30 kastryčnika 2015 hoda numar 911 «Ab uniasieńni źmianieńniaŭ u Pałažeńnie ab paradku spahnańnia płaty za prajezd transpartnych srodkaŭ pa płatnych aŭtamabilnych darohach Respubliki Biełaruś», paviedamili BIEŁTA ŭ pres-słužbie Ministerstva transpartu i kamunikacyj.
Usiaho ŭ sistemie BelToll dadatkova budzie ŭklučana bolš za 300 km daroh. U ich liku ŭčastki aŭtatras M5 i M6, R99, R23 i R21.
Z 1 listapada ŭ sistemu ŭklučany respublikanskija aŭtamabilnyja darohi ahulnaj praciahłaściu 1512 km.
U pieralik takich daroh uvachodziać aŭtadaroha M1/E-30 Brest (Kazłovičy) - Minsk - hranica Rasijskaj Fiederacyi (Redźki) na usioj praciahłaści, aŭtadaroha M2 Minsk - Nacyjanalny aeraport Minsk, a taksama ŭčastki aŭtadaroh M3 Minsk - Viciebsk, M4 Minsk - Mahiloŭ, M5/Je-271 Minsk - Homiel i M6/Je-28 Minsk - Hrodna - hranica Respubliki Polšča (Bruzhi), M7/E-28 Minsk - Ašmiany - hranica Litoŭskaj Respubliki (Kamienny Łoh), P1 Minsk - Dziaržynsk, R21 Viciebsk - hranica Rasijskaj Fiederacyi (Lozna), R23 Minsk - Mikaševičy, R99 Baranavičy - Vaŭkavysk - Pahraničny - Hrodna, padjezd da hranicy Respubliki Polšča (Bierastavica) (ad aŭtamabilnaj darohi R99 Baranavičy - Vaŭkavysk - Pahraničny - Hrodna).
Pastanovaj urada taksama zamacoŭvajecca mahčymaść dostupu na aficyjnym sajcie sistemy BelToll da infarmacyi ab zafiksavanych parušeńniach za transpartnymi srodkami rezidentaŭ Biełarusi dla niedapuščeńnia ŭ dalejšym šmatrazovych parušeńniaŭ karystańnia płatnymi darohami.
