Ź instahrama madelki Śniažany Anopki (snejanaonopka15)
Va Ukrainie razharelisia novyja batalii, na hety raz u śviecie hlancu. U centry skandału akazaŭsia «Vogue Ukraina», jaki ukrainskaja madelka Śniažana Anopka abvinavaciła ŭ adsutnaści patryjatyzmu. U apošni raz ukrainskija madeli źjaŭlalisia na vokładcy časopisa ŭ kastryčniku 2013 hoda.
Skandał pačaŭsia z publikacyi ŭ Instagram: na aficyjnaj staroncy ŭkrainskaha «Vogue» vykłali vokładku sakavickaha vypusku z braziljankaj Kerałajn Trencina.
Vokładka sakavickaha «Vogue Ukraina»
Da abmierkavańnia ŭ Instagram padklučyłasia Śniažana Anopka — adna z samych viadomych u modnaj industryi madelek-ukrainak, zorka 2000-ch. U kamientarach na staroncy ŭkrainskaha «Vogue» madelka abvinavaciła kamandu časopisa ŭ tym, što jana nie padtrymlivaje ŭkrainskich madelek i modu svajoj krainy.
«Voś tak my padtrymlivajem Ukrainu, — napisała Anopka, — jak nie braziljanka na vokładcy, dyk italjanka. Davajcie pahladzim na «Vogue Brasil»: z 12 vokładak u hod na 10 — braziljanka, a ŭ nas, vidać, niama hodnych ukraincaŭ, jakija mahli b akazacca na vokładcy».
Sa Śniažanaj pahadzilisia šmatlikija čytačy sacyjalnych sietak žanočaha časopisa «Vogue». Karaciej, mahčymaści admaŭčacca ŭ redakcyi časopisa nie było.
Adkryty list apublikavała na Facebook hałoŭnaja redaktarka «Vogue Ukraina» Maša Cukanava. Jana pryvodzić poŭny śpis hieraiń usich vokładak vydańnia z paznačeńniem ich pazicyj u madelnych rejtynhach i piša, što prajavaj patryjatyzmu ličyć i toje, što dziakujučy namahańniam kamandy ŭkrainskaha časopisa ŭpieršyniu ŭdałosia damahčysia ŭvahi madelek takoha maštabu.
