Internet-prajekt «Košt urada», raspracavany daśledčym siektaram BIPART prajekta Škoły maładych mieniedžaraŭ publičnaha administravańnia (SYMPA) sumiesna ź niezaležnymi ekanamistami, isnuje ŭžo bolš za siem miesiacaŭ.
Za paŭtara miesiaca paśla zapusku prajekta sajt naviedała amal 20 tys. unikalnych karystalnikaŭ, paviedamiŭ kiraŭnik prajekta «Košt urada» Uładzimir Kavałkin. Pavodle jaho słoŭ, 80% haściej sajta byli ź Biełarusi, astatnija — hałoŭnym čynam z Hiermanii, Polščy, Vialikabrytanii, ZŠA, Rasii i Kazachstana, adnak jon vykazaŭ mierkavańnie, što heta, chutčej za ŭsio, biełarusy, jakija emihravali ŭ inšyja krainy. «Hramadzianam było vielmi cikava supastavić, kolki jany zarablajuć, a kolki traciać na roznyja pasłuhi i kudy hetyja hrošy iduć», — skazaŭ kiraŭnik prajekta.
«My adsočvali reakcyju ŭ sacsietkach, na forumach — mnohija byli ŭ šoku ad taho ab`iomu hrošaj, jakija jany na samoj spravie płaciać za nibyta biaspłatnyja pasłuhi, kab karystacca toj prasłavutaj biaspłatnaj miedycynaj, adukacyjaj, kab realizoŭvalisia dziaržprahramy madernizacyi i h.d. Usio heta, dumali jany, biaspłatna, a na samoj spravie — za ich košt, bolš za toje, našy hramadzianie płaciać za heta pałovu svajho prybytku», — rastłumačyŭ Kavałkin.
Na sajcie poŭnaściu abnavilisia finansavyja danyja. Kavałkin źviarnuŭ uvahu na toje, što za čas isnavańnia prajekta ŭrad tolki ciapier apublikavaŭ biudžet na 2014 hod — «i to nie ŭvieś».
Składanaść atrymańnia finansavaj infarmacyi, jakaja «va ŭsim cyvilizavanym śviecie zaŭsiody znachodzicca ŭ adkrytym dostupie», ź`iaŭlajecca adnoj z hałoŭnych prablem, ź jakoj sutyknulisia raspracoŭščyki prajekta. «U nas takija danyja abo nie publikujucca, abo publikujucca sa spaźnieńniem ci nie ŭ poŭnym ab`iomie», — adznačyŭ jon. Kab prymusić dziaržaŭnyja orhany padzialicca takoj infarmacyjaj, treba, kab na ich uvieś čas «dušyli adpaviednymi zapytami niekamiercyjnyja arhanizacyi i žurnalisty», pierakanany Kavałkin.
Najbližejšym časam raspracoŭščyki płanujuć dadać sajtu funkcyjanalnaści. U pryvatnaści, budzie ŭkaranionaja sistema pasyłki aŭtamatyčnaha zapytu danych. «Na miescy danych, jakija my nie možam atrymać z aficyjnych krynic, my pakiniem pustyja jačejki ŭ tablicach, — skazaŭ Kavałkin. — Adzin prosty klik pobač ź niezapoŭnienaj jačejkaj — i ŭ adpaviedny orhan budzie adpraŭleny aŭtamatyčny zapyt na atrymańnie hetaj infarmacyi. Dumaju, kali toj ci inšy orhan pačnie atrymlivać pa 7—10 tysiač zapytaŭ, jon usio ž apublikuje hetyja danyja, pakolki stomicca adkazvać».
Karystalnikam sajta nieŭzabavie taksama daduć mahčymaść vybrać valutu, u jakoj buduć adlustroŭvacca tyja ci inšyja pakazčyki. «Možna budzie pahladzieć, naprykład, biudžet achovy zdaroŭja, pieraviedzieny ŭ hamburhiery ci bulbu. Usie hetyja miljardy hramadzianam nie vielmi zrazumiełyja, tamu, dumaju, im budzie cikava pahladzieć, kolki miaškoŭ bulby kaštuje naša achova zdaroŭja», — dadaŭ kiraŭnik prajekta.
