Abaviazkovy ekzamien pa historyi Biełarusi buduć zdavać z 2015 hoda vypuskniki 11-ch kłasaŭ, a z prahramy vypusknych ekzamienaŭ za bazavuju škołu (9-y kłas) hety ispyt vyklučany.
Ab hetym raskazali ŭ pres-centry Ministerstva adukacyi, kamientujučy pastanovu Minadukacyi «Ab ustanaŭleńni pieraliku navučalnych pradmietaŭ, pa jakich pravodziacca vypusknyja ekzamieny, form praviadzieńnia vypusknych ekzamienaŭ pry praviadzieńni ŭ 2014/2015 navučalnym hodzie padahulniajučaj atestacyi vučniaŭ pry asvajeńni źmiestu adukacyjnych prahram ahulnaj siaredniaj adukacyi, adukacyjnaj prahramy śpiecyjalnaj adukacyi na ŭzroŭni ahulnaj siaredniaj adukacyi» numar 95 ad 7 lipienia 2014.
Adznačym, što z 2014/2015 navučalnaha hoda ŭ Biełarusi vučni paśla zaviaršeńnia navučańnia i vychavańnia na II stupieni ahulnaj siaredniaj adukacyi (za 9-y kłas) buduć zdavać vypusknyja ekzamieny pa navučalnych pradmietach «Biełaruskaja mova», «Ruskaja mova» i «Matematyka» ŭ piśmovaj formie. Paśla zaviaršeńnia navučańnia i vychavańnia na III stupieni ahulnaj siaredniaj adukacyi abaviazkovyja vypusknyja ekzamieny buduć pravodzicca pa navučalnych pradmietach «Matematyka», «Zamiežnaja mova», «Historyja Biełarusi», a taksama pa navučalnych pradmietach «Biełaruskaja mova» abo «Ruskaja mova» — na vybar vučnia ŭ piśmovaj formie.
U pres-centry padkreślili, što ekzamien na vybar vučnia za kurs siaredniaj ahulnaadukacyjnaj škoły admienieny. Raniej vypuskny ekzamien na vybar moh być pa adnym z nastupnych navučalnych pradmietaŭ: biełaruskaja mova (pierakaz), ruskaja mova (pierakaz), biełaruskaja litaratura (vusna), ruskaja litaratura (vusna), zamiežnaja mova (vusna), historyja Biełarusi (vusna albo abarona refierata), suśvietnaja historyja (vusna albo abarona refierata), hieahrafija (vusna), bijałohija (vusna), chimija (vusna), fizika (vusna), astranomija (vusna), infarmatyka (vusna), hramadaznaŭstva (vusna), fizičnaja kultura i zdaroŭje (u praktyčnaj formie).
Jak adznačyli ŭ pres-centry, vyklučeńnie ź pieraliku vypusknych ekzamienaŭ za 9-y kłas ekzamienu pa navučalnym pradmiecie «Historyja Biełarusi» i ŭklučeńnie vypusknoha ekzamienu pa hetym navučalnym pradmiecie ŭ pieralik abaviazkovych vypusknych ekzamienaŭ za 11-y kłas abumoŭlena tym, što ŭ adpaviednaści z Dekretam Prezidenta Respubliki Biełaruś ad 17 lipienia 2008 hoda numar 15 «Ab asobnych pytańniach ahulnaj siaredniaj adukacyi» pačynajučy z 2008/2009 navučalnaha hoda byŭ ažyćcioŭleny pierachod na 9-hadovy termin atrymańnia ahulnaj bazavaj adukacyi i 11-hadovy termin atrymańnia ahulnaj siaredniaj adukacyi. U vyniku hetaha byŭ źmienieny pryncyp pabudovy źmiestu navučalnaj prahramy pa navučalnym pradmiecie «Historyja Biełarusi» z kancentryčnaha na liniejny, takim čynam, vyvučeńnie historyi Biełarusi ŭ 9-m kłasie ciapier zaviaršajecca padziejami 1917 hoda i poŭnaściu zaviaršajecca na III stupieni ahulnaj siaredniaj adukacyi. U 2014/2015 navučalnym hodzie na III stupieni ahulnaj siaredniaj adukacyi zaviaršajuć navučańnie vučni, jakija ŭ 2008/2009 navučalnym hodzie pačali navučańnie na II stupieni ahulnaj siaredniaj adukacyi va ŭmovach 11-hadovaha terminu atrymańnia ahulnaj siaredniaj adukacyi. Mienavita tamu ekzamien «Historyja Biełarusi» dla vypusknikoŭ 2015 i 2016 hadoŭ budzie pabudavany tolki na tym materyjale, jaki junaki i dziaŭčaty buduć vyvučać abo ŭžo vyvučyli ŭ 10-m i 11-m kłasie — pakolki materyjał pa historyi da 1917 hoda jany vyvučyli ŭ 9-m kłasie i ekzamien zdali raniej.
Abaviazkovy ekzamien pa historyi Biełarusi ŭ śpiecyjalnych ahulnaadukacyjnych škołach (śpiecyjalnych ahulnaadukacyjnych škołach-internatach), śpiecyjalnych kłasach, kłasach intehravanaha navučańnia i vychavańnia dla vučniaŭ z parušeńniem słychu, ciažkimi parušeńniami maŭleńnia, ciažkaściami ŭ navučańni budzie pravodzicca pa ekzamienacyjnych biletach, jakija raspracoŭvajucca z ulikam asablivaściej ich raźvićcia. Farmuloŭki pytańniaŭ adaptavany da ŭzroŭniu dziaciej z asablivaściami psicha-fizičnaha raźvićcia.
Akramia taho, z 2014/2015 navučalnaha hoda ŭklučany ŭ pieralik vypusknych ekzamienaŭ paśla zaviaršeńnia navučańnia i vychavańnia na II i III stupieniach ahulnaj siaredniaj adukacyi, naraŭnie ź inšymi navučalnymi pradmietami, vypuskny ekzamien pa movie nacyjanalnaj mienšaści — polskaj abo litoŭskaj (dla vučniaŭ, jakija vyvučali hety navučalny pradmiet).
Adznačym, što ŭ adpaviednaści z Kodeksam Respubliki Biełaruś ab adukacyi, zakonami Respubliki Biełaruś, hramadzianie Respubliki Biełaruś, jakija adnosiać siabie da nacyjanalnych mienšaściej, majuć prava vybaru movy navučańnia i vychavańnia. Na padstavie pažadańniaŭ vučniaŭ i ich zakonnych pradstaŭnikoŭ pa rašeńni miascovych vykanaŭčych i rasparadčych orhanaŭ, uzhodnienym ź Ministerstvam adukacyi Respubliki Biełaruś, mohuć stvaracca ŭstanovy ahulnaj siaredniaj adukacyi, kłasy va ŭstanovach ahulnaj siaredniaj adukacyi, u jakich navučańnie i vychavańnie ažyćciaŭlajucca na movie nacyjanalnaj mienšaści abo vyvučajecca mova nacyjanalnaj mienšaści.
Ciapier u Biełarusi funkcyjanujuć 4 ustanovy adukacyi, u jakich navučańnie ažyćciaŭlajecca na movach nacyjanalnych mienšaściej: 2 škoły z polskaj movaj navučańnia i vychavańnia (u Hrodnie i Vaŭkavysku) i 2 škoły ź litoŭskaj movaj navučańnia i vychavańnia (u v.Rymdziuny Astravieckaha rajona i v.Pielasa Voranaŭskaha rajona Hrodzienskaj vobłaści). Na movie nacyjanalnych mienšaściej u 2013/2014 navučalnym hodzie navučalisia 794 vučni (na polskaj — 669, litoŭskaj — 125 vučniaŭ). Akramia taho, u 2013/2014 navučalnym hodzie ŭ 135 ustanovach ahulnaj siaredniaj adukacyi 4 tys. 997 vučniaŭ vyvučali movy nacyjanalnaj mienšaści na vučebnych zaniatkach, fakultatyŭnych zaniatkach abo ŭ abjadnańniach pa intaresach: polskuju movu — 4 tys. 702 vučni, litoŭskuju movu — 30 vučniaŭ, jaŭrejskuju movu — 265 vučniaŭ.
U metach pravierki adpaviednaści vynikaŭ navučalnaj dziejnaści patrabavańniam navučalnych prahram pa navučalnych pradmietach, źmiest jakich nakiravany na raźvićcio zdolnaściej vučniaŭ u halinie asobnych vidaŭ mastactva, da ŭzroŭniu padrychtoŭki vučniaŭ paśla zaviaršeńnia navučańnia i vychavańnia na II i III stupieniach ahulnaj siaredniaj adukacyi ŭ pastanovie vyznačana ŭ jakaści abaviazkovaha vypusknoha ekzamienu — ispyt na vybar vučnia pa adnym z navučalnych pradmietaŭ, źmiest jakich nakiravany na raźvićcio zdolnaścieŭ vučniaŭ u halinie asobnych vidaŭ mastactva. Taki ispyt pravodzicca ŭ praktyčnaj formie. Vyniki navučalnaj dziejnaści pa takich navučalnych pradmietach mohuć aceńvacca ŭ kancy navučalnaha hoda na kancercie, śpiektakli, vystaŭcy i h.d. Da ŭstanoŭ ahulnaj siaredniaj adukacyi adnosiacca bazavyja škoły — kaledžy mastactvaŭ, siarednija škoły — kaledžy mastactvaŭ, himnazii — kaledžy mastactvaŭ, u jakich z I pa XI kłasy vyvučajucca navučalnyja pradmiety, źmiest jakich nakiravany na raźvićcio zdolnaściej vučniaŭ u halinie asobnych vidaŭ mastactva.
Ciapier u respublicy funkcyjanujuć 3175 ustanoŭ ahulnaj siaredniaj adukacyi, u tym liku 216 himnazij, 28 licejaŭ. U adpaviednaści z artykułam 155 Kodeksa Respubliki Biełaruś ab adukacyi terminy atrymańnia ahulnaj bazavaj adukacyi składajuć dzieviać hadoŭ, ahulnaj siaredniaj — adzinaccać hadoŭ (u viačernich škołach, viačernich kłasach — dvanaccać hadoŭ).
