Tvory suśvietnaha ŭzroŭniu, paraŭnalnyja z ramanam «Vajna i mir» Lva Tałstoha, u Biełarusi ŭ svoj čas stvaryli takija piśmieńniki, jak Vasil Bykaŭ i Maksim Tank. Takoje mierkavańnie na pres-kanfierencyi 27 studzienia ŭ Minsku vykazaŭ staršynia Sajuza piśmieńnikaŭ Biełarusi Mikałaj Čarhiniec.
Tak jon prakamientavaŭ zajavu Łukašenki, zroblenuju 21 studzienia na sustrečy z kiraŭnikami viadučych biełaruskich ŚMI, ab surjoznaj padtrymcy, jakuju dziaržava akaža aŭtaru biełaruskaha tvora suśvietnaha kłasu. «Ja kazaŭ, pakładziecie mnie choć adnu [knihu], da prykładu, «Vajnu i mir», i ja vam zabiaśpieču hihanckuju padtrymku. Ale niama ich!» — skazaŭ kiraŭnik dziaržavy.
«Vy pamiatajecie, u jakich umovach pisaŭ Leŭ Tałstoj «Vajnu i mir», kolki jamu daviałosia dadumvać i składać, to byŭ inšy čas, — adznačyŭ Čarhiniec. — Našu «Vajnu i mir» napisali Vasil Bykaŭ, Maksim Tank, inšyja pavažanyja piśmieńniki, u tym liku Aleś Adamovič».
