Vajennasłužačy 5-j asobnaj bryhady śpiecyjalnaha pryznačeńnia, uradženiec Mazyra 1992 naradžeńnia Alaksandr Suščyk, jaki pakinuŭ raźmiaščeńnie vajskovaj častki nočču 3 studzienia, vyjaŭleny. Pra heta BiełaPAN paviedamili ŭ Ministerstvie abarony Biełarusi.
Suščyk zatrymany. Inšaj infarmacyi z hetaj nahody pakul niama.
Pieršaja infarmacyja ab zdareńni ŭ Marjinaj Horcy źjaviłasia nočču 6 studzienia sa spasyłkaj na staronku «Vkontaktie» pošukava-vyratavalnaha atrada « Anioł», jaki dapamahaje šukać źnikłych ludziej. Paviedamlałasia, što vajskoviec pakinuŭ častku sa zbrojaj.
Paźniej Ministerstva abarony zajaviła: «Faktaŭ samavolnaha sychodu z vajskovaj častki sa strałkovaj zbrojaj va Uzbrojenych siłach niama. Infarmacyja, što raspaŭsiudžvajecca šeraham internet- resursaŭ, ab tym, što vajskoviec, jaki samavolna pakinuŭ vajskovuju častku, maje pry sabie aŭtamat Kałašnikava, nie adpaviadaje rečaisnaści. Usia strałkovaja zbroja voinskich častak była i zastajecca na miescach».
