Bolšaść ludziej vykarystoŭvaje sacyjalnyja sietki dla publikacyi siamiejnych fatahrafij abo, naprykład, fotaspravazdač ź viečarynak i padarožžaŭ, adnak jość tyja, chto z dapamohaj sacyjalnych miedyja pakazvaje ciomny bok svajoj natury, vykładajučy šakujučyja i pravakacyjnyja materyjały i vystaŭlajučy «kryvažernyja» statusy. Niadaŭna šviedskija navukoŭcy praviali ekśpierymient, metaj jakoha było vyśvietlić, jak pa infarmacyi na staroncy ŭ sacsietcy možna vyjavić asabistyja jakaści čałavieka, u tym liku psichapatyčny skład rozumu, paviedamlaje Daily Mail.
Padčas daśledavańnia supracoŭniki Akademii Salhrenska i Łundskaha ŭniviersiteta vyvučyli profili 300 amierykanskich karystalnikaŭ sacyjalnych sietak. Akramia taho, kožnamu z dobraachvotnikaŭ, jakija padali svaje staronki dla ekśpierymientu, daviałosia prajści praz testy na vyjaŭleńnie psichapatyčnych, nieŭratyčnych, ekstraviertyŭnych i niekatorych inšych rysaŭ charaktaru. Ekśpierty zładzili łatentna-siemantyčny analiz 15 apošnich abnaŭleńniaŭ statusu kožnaha profilu i paraŭnali vyniki z dadzienymi, atrymanymi padčas testaŭ.
Pavodle vynikaŭ daśledavańnia, naprykład, narcysičnyja natury schilnyja padkreślivać svaje stanoŭčyja jakaści,
taksama ŭ znosinach dla ich charakternyja ehacentryzm, samalubavańnie i časam zališniaja samaŭpeŭnienaść.
Nieŭratyčnych asob možna raspaznać pa častym abnaŭleńni statusu,
a, skažam, u ekstraviertaŭ, jak praviła, vielmi šmat «frendaŭ».
Kali ŭ profili karystalnika praktyčna nie sustrakajecca zhadak ab emocyjach jaho ŭładalnika, zatoje šmat cynizmu i znarok amaralnych vykazvańniaŭ, chutčej za ŭsio, u charaktary ŭładalnika prysutničaje ładnaja dola makijavielizmu,
heta značyć imknieńnia manipulavać ludźmi i vykarystoŭvać ich u svaich metach.
Psichapatyčnyja asoby časta vykładvajuć na svaich staronkach malunki parnahrafičnaha charaktaru, a taksama, naprykład, fatahrafii źniaviečanych, traŭmiravanych ludziej i trupaŭ.
U razmovie schilnyja da psichapatyi demanstrujuć adsutnaść spahady i praktyčna zaŭsiody skancentravany tolki na ŭłasnych intaresach.
