Alaksandr Łukašenka čakaje ad urada nieardynarnych rašeńniaŭ pa pytańniach sacyjalna-ekanamičnaha raźvićcia Biełarusi, pra što jon zajaviŭ siońnia na naradzie ab biahučych pytańniach sacyjalna -ekanamičnaha raźvićcia Biełarusi.
«Hety hod nabližajecca da zaviaršeńnia, pačynajecca čaćviorty kvartał. Heta adziny šaniec, skažam adkryta, vypravić i ŭstaranić isnujučyja prablemy. Z vysokaj dolaj vierahodnaści možna acanić vyniki hoda. Z ulikam hetaha, mahčyma, pryjdziecca niekalki adkarektavać taktyku našych dziejańniaŭ na bližejšy čas», — zajaviŭ jon.
Pavodle słoŭ Łukašenki, nieabchodna pahladzieć, nakolki aptymizavanyja biahučyja biudžetnyja vydatki, u tym liku i dziaržaŭnyja prahramy, dakładna vyznačyć pryjarytety, na jakich varta skancentravać vydzialeńnie dziaržaŭnych srodkaŭ.
Asobnuju ŭvahu Łukašenka źviarnuŭ na ceny i taryfy, u tym liku na žyllova-kamunalnyja pasłuhi, pacikaviŭšysia, ci dastatkova ŭzvažanyja rašeńni prymajucca ŭradam u hetaj śfiery.
Łukašenka taksama zapatrabavaŭ paviedamić ab tym, jak rasstaŭlenyja akcenty ŭ hrašova-kredytnaj śfiery zychodziačy z realij siońniašniaha dnia.
«Akramia taho, nie za harami pryniaćcie važniejšych dakumientaŭ, jakija vyznačajuć dziaržaŭnuju sacyjalna-ekanamičnuju palityku ŭ nastupnym hodzie. Ja nie tolki chaču pačuć, što adbyvajecca siońnia, ja heta baču i sam, ale jak heta budzie pierakładziena ŭ budučy hod, što my budziem mieć zychodziačy ź siońniašniaha dnia.
(…)
«U asnovu varta stavić hałoŭnaje - zachavańnie stabilnaści ŭ finansavaj śfiery, zbałansavanaje raźvićcio realnaha siektara ekanomiki, pavyšeńnie ŭzroŭniu sacyjalnaj abaronienaści našych ludziej», - padkreśliŭ Łukašenka.
Jon zapatrabavaŭ ad udzielnikaŭ narady vykazać kankretnyja prapanovy pa ŭsim śpiektry paznačanych pytańniaŭ.
«Siońnia patrebny nieardynarnyja rašeńni, a kali ardynarnyja, to, pierš za ŭsio, treba pradać toje, što nazapasili na składach», - dadaŭ Łukašenka.