Ideja ab pieradačy «Rośniefti» prava stać adzinym pastaŭščykoŭ nafty ŭ Biełarusi supiarečyć rasijskamu zakanadaŭstvu, paviedamiŭ kiraŭnik «ŁUKOJŁa» Vahit Alakpieraŭ u intervju telekanału «Rośsija-24».
«Heta niapravilnaje rašeńnie. Siońnia jość zakon ab roŭnaj dastupnaści da sistemy naftapravodaŭ RF», — adznačyŭ jon. «Zachavańnie adnaho pastaŭščyka nie źjaŭlajecca łahičnym dla Rasii i Biełarusi», — dadaŭ kiraŭnik «ŁUKOJŁa».
V.Alakpieraŭ adznačyŭ, što bałans pastavak nieabchodna zachoŭvać nie tolki ŭ napramku Biełarusi, ale i ŭ kirunku Kazachstana i inšych krain.
Jon taksama dadaŭ, što kampanija ŭžo bolš za 15 hadoŭ efiektyŭna pracuje ŭ Biełarusi, i vykazaŭ nadzieju, što situacyja, jakaja skłałasia ŭ adnosinach pamiž dźviuma krainami, ŭrehulujecca ŭ bližejšy čas.