U Ńju-Bransŭiku (ZŠA) na 95-m hodzie pajšła z žyćcia Maryja Chaniaŭka — udzielnica-arhanizatarka hramadzkich zastolnych biasiedaŭ dy inšych imprezaŭ, ładžanych u Novym Śviecie biełaruskaj dyjasparaj. Śvietłaj pamiaci Maryja i jaje muž inžyner Časłaŭ vyhadavali dačku Rahniedu ŭ biełaruskim duchu. Baćka pryncypova nie havaryŭ da dački-školnicy pa-amerykansku, kazaŭšy: «Vučysia pa-biełarusku!»
Maryja Chaniaŭka była žančynaj pryhožaj, razumnaj, enerhičnaj, dobraj — dobraj matkaj i žonkaj. Doŭhimi hadami jana dahladała doma svajho ciažkachvoraha muža. Časłaŭ Chaniaŭka prychodziŭsia stryječnym bratam byłomu staršyniu Rady BNR Vincentu Žuk-Hryškieviču. Abodva jany byli z Budsłava.
Cieła Maryi Chaniaŭki spačyvaje pobač ź jaje mužam na biełaruskim mohilniku Žyrovickaje Božaje Maci ŭ Ist-Bransŭiku, ZŠA. Viečnaja Joj pamiać, a dušy Jaje viečny supakoj.
Ad imia biełaruskaha hramadztva Kanady vykazvaju hłybokija spačuvańni siamji pamierłaje Maryi — Rahniedzie j Donałdu Ŭitni, unuku Daniłku, praŭnukam dy Edvardu Šulačkoŭskamu.
Raisa Žuk-Hryškievič
