У Мінску нізкападлогавых трамваяў на маршрутах яшчэ няма, расказаў «Мінск-Навінам» гендырэктар па інавацыйным развіцці Белкамунмаша Алег Быцко. Іх беларускае прадпрыемства пастаўляе, напрыклад, у Расію.
— Мы працуем у тры змены і толькі пад заключаныя кантракты. На гэты год усё распісана, ужо ёсць заказы на 2025-ы. Наогул жа павінен заўважыць, што менчукам на забяспечанасць новым грамадскім транспартам не даводзіцца скардзіцца. У многіх гарадах Расіі сярэдні ўзрост трамваяў складае 30 гадоў, тралейбусаў — каля 20, — расказаў Алег Быцко.
Але паабяцаў, што нізкападлогавыя трамваі па вуліцах сталіцы паедуць.
— Усяго для Мінска ўжо сёлета паставім 20 новых вагонаў. Плануецца, што яны атрымаюць пазнавальную бірузовую афарбоўку, — дадаў ён.
Чытайце таксама:
У цэнтры Мінска легкавік наехаў на святлафор. У машыны вырвала пярэднія колы
П'яны мінчук скраў мотаблок, але далёка з'ехаць не змог. Што прызначыў суд?
