Рашэнне Мінгарвыканкама «Аб некаторых пытаннях, звязаных з пахаваннем і пахавальнай справай» № 260, якое ўступіла ў законную сілу 12 сакавіка, рэгламентуе парадак выдзялення і рэзервавання месцаў на могілках і ў калумбарыях, а таксама іх кошт.
Часта пры пахаванні аднаго з членаў сям'і яго сваякі адразу ж рэзервуюць побач з яго магілай месцы для дадатковага пахавання. Падобнае рэзерваванне цяпер магчыма па заяве (могуць быць пазначаны прозвішчы і ініцыялы сваякоў, для пахавання якіх рэзервуецца месца) за плату.
Колькі месцаў можна рэзерваваць? Не больш за тры дадатковых месцаў для пахавання скрыняў з прахам (попелам) у дзяржаўным калумбарыі або аднаго дадатковага асобнага ўчастка для пахавання, які знаходзіцца побач. Такі ўчастак можа прадугледжваць адна-, двух-, трох- ці чатырохмясцовае пахаванне.
Колькі каштуе месца для пахавання? Дакументам таксама устанаўліваецца плата за прадастаўленне або рэзерваванне аднаго месца ў дзяржаўным калумбарыі ў памеры 10 базавых велічынь; за прадастаўленне участкаў для пахавання альбо за рэзерваванне участкаў для пахавання звыш таго ўчастка, які прадстаўляецца на бязвыплатнай аснове, — у памеры 15 базавых велічынь за кожны квадратны метр тэрыторыі.
Памеры участкаў для аднамеснага пахавання не могуць быць больш за 1,4 метра ў шырыню і 2,3 метра ў даўжыню; для двухмеснага пахавання — 2 метры ў шырыню і 2,3 метра ў даўжыню, трохмясцовага — 3 метры ў шырыню і 2,3 метра ў даўжыню, чатырохмясцовага — 4 метры ў шырыню і 2,3 метра ў даўжыню.
