Top-5 unikalnych pabudovaŭ u Minsku 27

Pamiž bieźličy biznes-centraŭ, rezidencyj kiraŭnika dziaržavy dy prosta adnolkavych z vyhladu panelek u stalicy Biełarusi stvarajucca abjekty, jakija stanuć pieršyja ŭ svaim rodzie. U svoj čas takimi «pijanierami» stanavilisia pieršy Ladovy pałac, pieršy padziemny handlovy centr, pieršaja vieładarožka… Čas ich stvareńnia ŭžo daŭno prajšoŭ, i na źmienu im pryjšli inšyja navinki.

«Naša Niva» prapanuje TOP-5 «unikalnych» budaŭnictvaŭ dla Minska.

Udakładniajem adrazu, što abjekty takoha kštałtu ŭžo daŭno nie nou-chau dla susiednich stalic. Ale dla biełaruskaj stalicy jany pieršyja.

1. Akvapark

Soramna skazać, ale ŭ dvuchmiljonnym Minsku dahetul niama nivodnaha surjoznaha akvaparku! Jany paśpieli źjavilicca ŭ Hrodna, Kobrynie, Žłobinie, Pastavach… — a ŭ stalicy jašče pusta. Haradskija ŭłady kormiać minčukoŭ abiacankami hod za hodam, i ŭsio marna. Niekalki hadoŭ tamu było abvieščana, što akvapark uźniknie na bierazie Kamsamolskaha voziera, ale i heta prajekt nie byŭ realizavany.

I voś ciapier, narešcie, budaŭnictva idzie, choć i sa šmatlikimi pieranosami daty zdačy. Akvapark ŭzrastaje na svabodnym učastku pamiž

MKADam, praśpiektam Pieramožcaŭ i Drazdami. Zamiest zamiežnaha inviestara buduje jaho «Minskbud», a hrošy (viadoma ž, u kredyt) daŭ BPS-Bank.

Hałoŭnyja pytańni vyklikaje prajekt. Chapacca za hałavu prymušaje chacia b ščyraja fraza architektara akvaparka Alaksandra Cialcova:

«Pakolki ścieny akvaparka zrobiać sa škła, jość niebiaśpieka, što letam unutry pamiaškańnia moža być śpiakotna, a zimoj chaładno».

Tym nie mienš na psieŭdanavukovy ekśpierymient vydatkoŭvajecca kala $100 miljonaŭ.

Apošnija prahnozy — akvapark budzie zdadzieny ŭ 2013 hodzie.

2. Chmaračos

U stalicy daroblivajucca adrazu niekalki budynkaŭ, vyšejšych za 100 mietraŭ. Jany ŭžo abnavili rekord vyšyni ŭ krainie, ale, pakul nie zdadzienyja ŭ ekspłutacyju, nie mohuć ličycca paŭnavartasnymi chmaračosami.

Samy vysoki ź ich — «Vietraź» na rahu vulic Kalvaryjskaj, Kłary Cetkin, Cimirazieva i Maksima Tanka. Jahonaja vyšynia ŭžo dasiahnuła 100 mietraŭ, ale budaŭnictva apošnich dvuch-troch pavierchaŭ niečakana zamarozili. Pa niepaćvierdžanaj infarmacyi, vinoj stali pieraboi z pastaŭkami budmateryjałaŭ. U kancy budoŭli «Vietraź» pavinien dasiahnuć 133 mietraŭ.

Aproč jaho, kala stamietrovaj adznaki znachodzicca centr «Rojał-Płaza» na praśpiekcie Pieramožcaŭ i žyllovy kompleks na vulicach Bahdanoviča i Sablina, jaki vymachaŭ na 26 žyłych pavierchaŭ.

3. Trochuzroŭnievaja raźviazka

Užo ŭ kancy hetaha hoda na skryžavańni praśpiektaŭ Dziaržynskaha i Žukava pavinna ŭźniknuć pieršaja ŭ krainie trochuzroŭnievaja raźviazka. Pa sumiaščalnictvu, heta budzie samy doŭhi ŭ horadzie puciepravod. Jaho praciahłaść składzie kala 460 mietraŭ.

Pieršy ŭzrovień — užo isnujučy praśpiekt Žukava, trecim, samym vysokim, stanie praśpiekt Dziaržynskaha, jaki, zrešty i budujuć zaraz. Isnujučaje zaraz koła, praź jakoje aŭtamabili buduć zajazžać ź nižnahia praśpiekta na vierchni, budzie nazyvacca druhim uzroŭniem. Dla pryhožaha słova raźviazku časam nazyvajuć čatyrochuzroŭnievaj, bo pad joj budzie prachodzić linija mietro. Čym nie dadatkovaja daroha?

Budaŭnictva pačałosia ŭ červieni 2010 hoda, a skončycca naprykancy 2011 hoda.

4. Kiłamietrovy dom

Na tym samym praśpiekcie Dziaržynskaha nieŭzabavie pavinien uźniknuć jašče adzin «samy-samy» abjekt. Havorka viadziecca pra žyły dom, jaki raściahniecca bolš za kiłamietr, ad vulicy Chmialeŭskaha amal što da samaha praśpiekta Žukava. Jaho daŭžynia pieravysić adzin kiłamietr! Davoli šyrokaja vulica Ščorsa budzie prapuščanaja ŭ arku doma-hihanta i projdzie pad kvaterami. Prajekt jašče nie pačali realizoŭvać, ale miarkujecca, što budaŭnictva pačniecca zusim chutka.

Rekardsmienam u hetaj katehoryi pakul što źjaŭlajecca žyły dom pa vulicy Majakoŭskaha, daŭžynia jakoha dasiahaje 400 mietraŭ. Kali ž uličvać i tyja zbudavańni, jakija administracyjna padzielenyja na niekalki žyłych damoŭ, ale faktyčna złučanyja pamiž sa mnoj, to rekord składaje kala 700–750 mietraŭ. Nastolki vyciahnulisia zbudavańni na toj ža vulicy Majakoŭskaha, a taksama na Maksima Tanka.

5. Hatel dla sabak

Samy niedarahi, ale samy aryhinalny prajekt u našym chit-paradzie. Užo hod u Minsku pavolna idzie budaŭnictva haścinicy dla žyvioł. Pad budynak vydzielena placoŭka kala hadavalnika «Fauna horada» na vulicy Hurskaha.

U novym hateli budzie 150 miescaŭ dla žyvioł, praŭda, košt znachodžańnia tam katoŭ i sabak nievyznačany. Haścinicu płanujuć pabudavać za dva hady.

Jahor Marcinovič

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH