Biełaruś zajmaje 76-je miesca ŭ rejtynhu krain śvietu pa bahaćci. Jon składzieny na padstavie źviestak Mižnarodnaha valutnaha fondu.
Zhodna z rejtynham, VUP Biełarusi pa parytecie pakupnickaj zdolnaści na dušu nasielnictva składaje 25 685 dołaraŭ. U tablicy Biełaruś sastupaje ŭsim susiedziam, akramia Ukrainy — jana zajmaje 110-je miesca (15 464).
Rasija raźmiaščajecca na 60-j pazicyi (38 292), Łatvija — na 55-j (41 730), Polšča — na 43-j (49 060), Litva — na 41-j (50 600).
Samaj bahataj krainaj śvietu pryznany Luksiemburh z pakazčykam 143 173 dołaraŭ. U trojcy raźmiaščajucca rehijon Kitaja Makaa (134 141) i Irłandyja (133 895).
Pa danych MVF, u samych biednych krainach śvietu siaredniaja pakupnickaja zdolnaść na dušu nasielnictva składaje mienš za 1500 dalaraŭ, a ŭ 10 samych bahatych — bolš za 110 000 dalaraŭ.
Čytajcie taksama:
Nazvali samyja «razumnyja» harady śvietu hetaha hoda
Biełarusy ŭvajšli ŭ top kibierzłačynnaści śvietu
Biełaruskaja kuchnia trapiła ŭ śpis najlepšych u śviecie. Jakoje miesca jana zajmaje?
U top-5 samych kamfortnych haradoŭ Rasii ŭklučyli «pryfrantavy» Biełharad
