Supracoŭniki Śledčaha kamiteta pravodziać pravierku pa fakcie traŭmiravańnia 17-hadovaha padletka, jaki paśla ŭdziełu ŭ mitynhu trapiŭ u balnicu, paviedamili ŭ pres-słužbie SK.
Svajaki praciahvajuć ihnaravać śledčyja orhany, paviedamlaje SK.
Atrymaŭšy 20 žniŭnia dazvoł daktaroŭ, śledčyja apytali junaka. Ź jaho słoŭ, u dzień zatrymańnia, 12 žniŭnia, jon viartaŭsia dadomu z handlovaha centra i biespadstaŭna jaho zatrymali supracoŭniki milicyi kala aŭtastancyi «Zachad-3». Paśla čaho chłopca dastavili ŭ rajonnaje ŭpraŭleńnie ŭnutranych spraŭ.
Śledčyja zapeŭnivajuć, što junak byŭ u epicentry masavych biesparadkaŭ, jakija adbylisia 10 žniŭnia na vulicy Prytyckaha. Nibyta jon napaŭ na kiroŭcu hruzavoha aŭtamabila MAZ, jaki prybyŭ dla evakuacyi niaspraŭnaha tralejbusa.
Na hety momant małady čałaviek zatrymany.
Nahadajem, chłopiec lažaŭ u reanimacyi 3-jaj dziciačaj balnicy Minska, kudy trapiŭ 13 žniŭnia. Chłopiec u balnicy znachodziŭsia niejki čas u miedykamientoznaj komie, jaho dastavili ŭ balnicu z RUUS z čerapna-mazhavoj traŭmaj, strasieńniem hałaŭnoha mozhu, adkrytym pierałomam skuła-arbitalnaha kompleksu, sutarhavym sindromam, paraarbitalnaj hiematomaj sprava, množnymi ŭdarami miakkich tkanak i kaniečnaściej, traŭmatyčnymi erozijami rahavicy abodvuch vačej.
