Navukoŭcy ŭpieršyniu vyprabavali na čałavieku vakcynu suprać raku mozhu. Preparat ukałoli pacyjentu sa śmiarotnaj formaj ankałahičnaha zachvorvańnia. Vakcyna vyklikała najmacniejšy imunny adkaz — heta značyć, imunitet pacyjenta staŭ aktyŭna atakavać rakavyja kletki.
Preparat stvaryli šlacham zdabyvańnia hienietyčnaha materyjału, to-bok RNK, z puchliny pacyjenta z hlijabłastomaj — ahresiŭnym typam raku. Zatym RNK była replicyravanaja dla stvareńnia vakcyny z mRNK. Jana ŭjaŭlaje saboj uzor taho, što znachodzicca ŭnutry kožnaj kletki, uklučajučy puchlinnyja kletki, paviedamlaje livescience.com.
Daśledavańni pravodziacca va Univiersitecie Fłarydy kamandaj pad kiraŭnictvam dziciačaha ankołaha Elijasa Sejara. Raniej vakcyny byli nakiravanyja na stvareńnie imunnaha adkazu na nievialikuju kolkaść kletak puchlin u roznych pacyjentaŭ. Takija preparaty stvarajucca vielmi doŭha, a puchlina paśla vydaleńnia abo bijapsii ŭmieje adaptavacca i źnižać efiektyŭnaść preparata.
Novy mietad, pabudavany na raspracoŭkach, jakija ŭžyvalisia dla stvareńnia vakcyny suprać COVID-19, dazvalaje stvarać bolš bujnyja nanačaścicy, jakija pravakujuć bolš surjozny imunny adkaz.
Samaje važnaje — na stvareńnie takoj vakcyny iduć usiaho niekalki dzion, tamu rakavyja kletki nie paśpiavajuć adaptavacca. Akramia taho, na dumku navukoŭcaŭ, takuju vakcynu možna časta abnaŭlać.
Daśledavańnie znachodzicca na rańniaj stadyi, paśla preparat vyprabujuć na bolšaj kolkaści pacyjentaŭ.
Čytajcie taksama:
Biełarusaŭ biaspłatna vakcynujuć ad jašče dźviuch chvarob
U Biełarusi sioleta płanujuć zapuścić vytvorčaść vakcyny ad raku. Kali ŭsio atrymajecca
Navukoŭcy apisali mahčymuju pieršapryčynu raku
Navukoŭcy: Lačeńnie raku raślinnymi preparatami moža zaškodzić
