Aŭtary skulptury — Leŭ i Siarhiej Humileŭskija. Ich tvorčuju prapanovu abrali pa vynikach konkursu na stvareńnie skulpturnaj kampazicyi «Žychary Minska XIX stahodździa: kampazitar Stanisłaŭ Maniuška i dramaturh Vincent Dunin-Marcinkievič — stvaralniki biełaruskaj nacyjanalnaj kłasičnaj opiery».
Uračystaje adkryćcio skulpturnaj kampazicyi adbyłosia siońnia, 3 vieraśnia, u skviery płoščy Svabody.
Na płoščy Svabody (tady Sabornaj) u XIX stahodździ raźmiaščaŭsia Minski haradski teatr, dzie ŭ 1852 hodzie adbyłasia premjera opiery «Sialanka» Stanisłava Maniuški i Vincenta Dunina-Marcinkieviča. Sa sceny ŭpieršyniu zahučała biełaruskaja mova. Za słovy «biełarus» i «biełaruski» tady mahli pieraśledvać, tamu sam fakt pastanoŭki - tvorčy i hramadzianski podźvih aŭtaraŭ. Čatyry z 20 opier Maniuška napisaŭ na libreta Dunina-Marcinkieviča.
