Valijski paŭabaronca «Mančestar Junajted» Rajan Hihz paviedamiŭ, što zaviaršaje karjeru futbalista. 40-hadovy chaŭbiek budzie asistentam novaha hałoŭnaha treniera mankunijancaŭ Łui van Hała.
PA
«Ja zaŭsiody maryŭ hulać za «MIU». Choć mnie sumna ad taho, što ja znoŭ nie nadzienu majku hetaha kłuba ŭ jakaści hulca, ja mahu skazać, što zmoh ažyćciavić svaju maru.
Mnie pašancavała hulać z adnymi z najlepšych futbalistaŭ śvietu pad kiraŭnictvam takoha treniera, jak Aleks Fierhiusan. Akramia taho, ja hulaŭ dla najlepšych fanataŭ u śviecie. Ja zaŭsiody adčuvaŭ i caniŭ vašu padtrymku», — napisaŭ Hihz u adkrytym liście.
Hihz vystupaŭ za «MIU» z 1990 hoda. Za hety čas hulec zbornaj Uelsa vyjhraŭ 34 trafiei z «MIU», u tym liku — 13 čempijanataŭ Anhlii, 4 Kubki i 9 Supierkubkaŭ Anhlii, 2 Lihi čempijonaŭ.
Hihz źjaŭlajecca rekardsmienam Anhlijskaj premjer-lihi pa kolkaści matčaŭ (632), rekardsmienam «MIU» pa kolkaści aficyjnych matčaŭ (963), a taksama rekardsmienam pa kolkaści matčaŭ u jeŭrakubkach (157).
