Biełaruski šturchalnik jadra Andrej Michnievič dyskvalifikavany pažyćciova za ŭžyvańnie zabaronienych preparataŭ. Tak vyrašyła Dyscyplinarnaja kamisija NADA. Hety vierdykt dla "Priessboła" prakamientavaŭ hałoŭny trenier nacyjanalnaj kamandy Alaksandr Traščyła:
-- Rašeńnie pryniataje 20 maja pa fakcie paŭtornaha parušeńnia Michnievičam antydopinhavych praviłaŭ. Upieršyniu heta adbyłosia ŭ 2001 hodzie, tady jon byŭ pakarany dvuchhadovaj dyskvalifikacyjaj. Jak viadoma, pavodle novych praviłaŭ
dopinh-proby pryzioraŭ, uziatyja na top-turnirach, zachoŭvajucca na praciahu 8 hadoŭ i mohuć być pierapravieranyja z prymianieńniem novych mietodyk vyznačeńnia. Mienavita takaja pracedura stała dla Andreja fatalnaj.U jaho sprobie, ŭziataj na čempijanacie śvietu 2005 hoda ŭ Chielsinki, vyjaŭleny zabaronieny preparat.
Pakolki parušeńnie paŭtornaje, u adpaviednaści z antydopinhavaha praviłami pryniata rašeńnie ab pažyćciovym adłučeńni ad vialikaha sportu. Adnak jana jašče pavinna być zaćvierdžana Mižnarodnaj fiederacyjaj lohkaj atletyki.
0
0
0
0
0
0