Dyjeha Kosta. Fota: jaho instahram
Eks-forvard madrydskaha «Atletyka» i łondanskaha «Čełsi» Dyjeha Kosta razam ź siabrami vyratavaŭ kala 100 čałaviek ad pavodki. Incydent zdaryŭsia na terytoryi štata Ryu-Hrandzi-du-Suł, što dniami źviedaŭ katastrafičnuju pavodku, źviartaje ŭvahu football.by.
Viartajučysia dadomu paśla treniroŭki, Kosta vyjaviŭ hrupu ludziej, jakim patrabavałasia dapamoha z-za pryrodnaha biedstva.
Kosta akazaŭ padtrymku, daŭšy ŭ ich rasparadžeńnie asabisty hidracykł. Potym futbalist paklikaŭ siabroŭ, jakija majuć vodnyja transpartnyja srodki.
Dyjeha Kosta (jaho nazvali ŭ honar Dyjeha Maradony, tamu ŭ jaho ispanamoŭnaje imia, a nie zvykłaje partuhałamoŭnaje imia Dyoha) hulaŭ u svoj čas za «Sieltu», «Atletyka», «Čełsi», «Vułvierchemptan». Pravioŭ dva matčy za zbornuju Brazilii, ale vyrašyŭ dalej hulać za Ispaniju.
Ciapier jon vystupaje za «Hremia» z brazilskaha Portu-Alehry, što znachodzicca mienavita ŭ štacie Ryu-Hrandzi-du-Suł.
Čytajcie taksama:
Na poŭdni Brazilii z-za rekordnaj pavodki zahinuli prynamsi 58 čałaviek
Eks-futbalist zbornaj Biełarusi Anton Saroka vyjšaŭ ź miedykamientoznaj komy
