U Maskvie dumali: pryjechaŭ biedny student ź Biełarusi šukać hrošaj. A vyśvietliłasia, što biudžet našych dyplomnych rabot u čatyry razy bolšy za ichni. Naša kraina — medyjum, i za heta ja jaje lublu. Alaksandar Kananovič adkazvaje na pytańni «NN».
«NN»: Jak tak zdaryłasia, Alaksandar, što Vy stali kinarežyseram?
Alaksandar Kananovič: Ja vučyŭsia ŭ pedahahičnym universytecie — i my chadzili natoŭpam da siabra, Słavy Dobina, hladzieć kino. Hladzieli i hladzieli — a potym padumali: režyseram… prykolna… A sa mnoj na kursie vučyŭsia Amar Hajduk, syn dakumentalista Stanisłava Hajduka. Jon i kaža: «A ciapier Ptašuk kurs nabiraje…» Ja pajšoŭ na padrychtoŭčy, pastupiŭ potym… Čamu, što, jak — kino hladzieli.
«NN»: I jak da kinakamedyi dajšli?
AK: Dziakujučy Ptašuku. Jon nas dakładna skiravaŭ na žanravaje kino. Hladzieŭ, da čaho my schilnyja. Ad «tarkoŭščyny» ruki adbiŭ adrazu. Jak jon kazaŭ — «ekran pakaža». Navat kali jašče tolki dumaješ pra kino, kali scenaru niama, treba pomnić: budzie ekran i budzie hladač u zali. Dla hledača zdymać. Ja trapiŭ pad razdaču kamedyi…
«NN»: «Koler kachańnia» — dvajny debiut: vaš i vypusknika rasiejskaha Instytutu kinematahrafii Alaksieja Arsienćjeva. Heta źviazana ź finansavańniem ad rasiejskaha Instytutu?
AK: Była zabaŭnaja sytuacyja, kali ja tam byŭ. Na mianie hladzieli, dumajučy: voś pryjechaŭ biedny student ź Biełarusi šukać hrošaj. A vyśvietliłasia, što biudžet našych dyplomnych rabot bolšy za ichni.
U nas nie rychtavali kinaaperataraŭ. Ja spytaŭ u znajomaj dziaŭčynki, jakaja pastupiła ŭ Instytut kinematahrafii ŭ Rasiei, pra kinaaperataraŭ-vypusknikoŭ. Paprasiŭ adabrać najlepšych. Najlepšym byŭ Alaksiej. A pakolki ŭ rasiejskim Instytucie brakavała aperataraŭ, a Alaksiej źjechaŭ na moj film, tamtejšym studentam daviałosia pabiehać, šukajučy aperatara dla dyplomnych rabot.
«NN»: Vaš film — heta niastrymanaja ekscentryka, ramantyčnaja bufanada. A jak nakont sacyjalnych momantaŭ?
AK: Chaciełasia dadać u film «sacyjałki». Ale ž… dvaccaci chvilin vielmi mała. Kali b sorak chvilin ci chacia b paŭhadziny, kab rastłumačyć, što adbyvajecca… Zakładziena niešta jašče ŭ scenie — hladač nie reahuje, chacia ja viedaju, što pavinien: prosta nie paśpiavaje, tamu što niama dadatkovaha času dla asensavańnia, vysokaja nasyčanaść padziejami. Darečy, u poŭnym scenary sacyjalny momant byŭ — adnosiny Biełarusi j Rasiei. My vielmi mocna skandensavali film.
«NN»: I ekscentryka…
Poŭny varyjant čytajcie ŭ papiarovaj i pdf-versii hazety "Naša Niva"
Hutaryŭ Andrej Rasinski
