Vasilkovuju revalucyju abiacaje Mikoła Statkievič. Kaalicyja «Svabodnaja Biełaruś» vyłučyła jaho kandydatam na prezzydenta. Varyjant pieramohi na vybarach biez revalucyi nie razhladajecca.
18 studzienia BSDP (NH) «pavodle versii Statkieviča» (paśla faktyčnaha raskołu partyi davodzicca ŭdakładniać, pra jakuju jaje častku idzie havorka) sklikała ŭ svaim ofisie na płoščy Miaśnikova pres-kanferencyju. U nievialikim pakoi sabrałasia z tuzin žurnalistaŭ, a taksama ludzi z Eŭrapiejskaj kaalicyi «Svabodnaja Biełaruś». Na stale — stos razdrukovak kaalicyjnaj zajavy, u joj słovy pra toje, što «praces vypracoŭki stratehii dziejańniaŭ i vyłučeńnia adzinaha kandydata zaciahvajecca». Statkievič kaža praściej: «BT nas maža pa ściency, a my dahetul pra stratehiju dumajem».
«Svabodnaja Biełaruś» vyrašyła padahnać apazycyju svaim prykładam i vyłučyła ŭ kandydaty na rolu adzinaha lidera Mikołu Statkieviča. Raźlik na toje, što ciaham miesiaca vyznačacca astatnija partyi. Padziakavaŭšy za davier, Statkievič zrabiŭ nievialikuju pramovu, jakuju ŭžo možna nazvać pieradvybarnaj. «U nas jość Biełaruski dom, ale ŭ im niešta nia toje. Ŭražańnie, što heta — abłožanaja krepaść, z kamendantam i harnizonam, abkružanaja vysokimi ścienami. Treba hetyja ścieny łamać», — zajaviŭ jon. Statkievič taksama abmalavaŭ i svaje pryjarytety — pierachod da parlamencka-prezydenckaj respubliki, vajskovy neŭtralitet dy siabroŭstva ŭ Eŭraźviazie, jakoha možna dasiahnuć «praź piać-šeść hadoŭ».
Poŭny varyjant artukułu čytajcie ŭ papiarovaj i pdf-versii haety "Naša Niva"
Aleś Kudrycki
