vodhuki
Zaŭvaha Biełaha Frontu
U minułym numary «NN» my nadrukavali list našaha čytača ź Bieraścia sp.Tylera pra bieraściejskuju arhanizacyju skinhead-aŭ «Bieły Front». U adkaz nam pryjšoŭ faks, dzie, miž inšym, havorycca:
«BF nikoli nia byŭ strukturnaj adzinkaj RNIE, nie vystupaŭ ź im adzinym frontam. BF nie padzialaje idealohii RNIE.
BF nikoli nie vytłumačvaŭ svajho źjaŭleńnia lozunham White Pride. Takoha lozunhu my ŭvohule nie vykarystoŭvajem.
BF pavažliva stavicca da biełaruskaj movy i prapahanduje jaje.
BF nikoli nie spačuvaŭ rasiejskim vojskam u Čačenii. Vykazvańni asobnych siabroŭ arhanizacyi nie źjaŭlajucca aficyjnaj pazycyjaj arhanizacyi.
BF nikoli nie supraćstajała «Kraju». Pamiž hetymi arhanizacyjami naładžanaje ŭzajemadziejańnie.
Źjaŭleńnie lista sp.Tylera — sproba ŭbić klin pamiž SPA «Kraj» i Biełym Frontam».
Skančajecca faks niedvuchsensoŭnym devizam:
«Žyvie Biełaruś!»
