Michael Šumachier uładkavaŭsia test-piłotam

Siamirazovy čempijon śvietu Formuły-1 Michael Šumachier budzie pracavać test-piłotam.

Pra heta eks-piłot kamandy Mercedes AMG raspavioŭ u intervju časopisu Stern. Niemiec admoviŭsia ŭdakładnić, z kim mienavita zaklučyŭ damovu. Spartsmien taksama nie nazvaŭ honačnuju sieryju, ź jakoj jon budzie źviazany.

Šumachier zaviaršyŭ karjeru ŭ Formule-1 hetaj vosieńniu. Apošnija try hady niemiec pravioŭ u «Mersedesie».

Pierš za piłot abiacaŭ, što zastaniecca ŭ hetym kalektyvie navat paśla sychodu z sportu, adnak nijakich aficyjnych zajaŭ na hety kont zroblena nie było.

U Michaela jość prapanova i ad šynnaj kampanii Pirelli — italjanskaja firma zaprasiła siamirazovaha čempijona śvietu na pasadu vyprabavalnika novych aponaŭ Formuły-1.

Šumachier taksama skazaŭ, što ŭ budučyni zasiarodzicca na zaniatkach parašutnym sportam.

«U hetaj spravie ja ŭsio jašče pačatkoviec, ale ja vučusia. Prynamsi, ciapier u mianie nie pryjdziecca pastajanna dumać pra Formułu-1 — apošnim časam jana adryvała mianie ŭsio bolš i bolš», — patłumačyŭ siamirazovy čempijon śvietu.

ru.delfi.lt

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH